Golaýda Tejen şäheriniň Medeniýet öýünde, Halkara Ýaşulular güni mynasybetli, Tejen etrap häkimligi we jemgyýetçilik guramalarynyň bilelikde guramagynda aýdym-sazly baýramçylyk dabarasy geçirildi.

Bu şanly baýramçylyga etrabyň ýaşaýjylary, medeniýet merkezi işgärleri, kümüş saçly enelerimiz, il sylagly ýaşulylarymyz, bilim işgärleri, Kärdeşler arkalaşyklarynyň işjeň agzalary gatnaşdylar. Dabarada medeniýet bölüminiň taýýar eden aýdym-sazly çykyşlary, folklor tans toparlary hem-de sahna wäşileri baýramçylyk şowhunyny belende göterdi.

Sahnada ýerine ýetirilen aýdym-sazly çykyşlarda, bagtyýar Watanymyzyň gülläp ösüşi, il sylagly ýaşulylarymyzyň we kümüş saçly mährem enelerimiziň hormatyna belent wasp edildi. Şeýle hem Gahryman Arkadagymyzyň nusgalyk başlangyçlary, Berkarar döwletiň täze eýýamynyň Galkynyşy döwrüniň rowaçlyklary barada söz açyldy.

Baýramçylygyň ahyrynda, dabarada gatnaşyjy il sylagly ýaşulylara we kümüş saçly enelere ýadygärlik sowgatlary gowşuryldy. Şeýle-de, olar üçin tüýs ýürekden mähirli gutlaglar ýetirildi. Dabarada ýaşuly nesillere goýulýan hormat we sylag üçin uly minnetdarlyk bildirildi, şeýle hem hormatly Prezidentimiziň belent başynyň elmydama dik, il-ýurt bähbitli tutumlarynyň rowaç almagy arzuw edildi.

Maral Akyýewa
Türkmenistanyň Kärdeşler Arkalaşyklary,
Ahal welaýatynyň Tejen etrap birleşmesiniň esasy hünärmeni,
Zenanlar guramasynyň işjeň agzasy

Şeýle-de okaň:
Gahryman gerçekleriň hormatlap!
Sportuň kiçi futbol görnüşi boýunça ýaryş geçirildi
Türkmen bedewiniň milli baýramy mynasybetli baýramçylyk dabarasy geçirildi
Tejen etrabynda mekdep okuwçylaryň arasynda ýeňil atletika boýunça ýaryş geçirildi
Türkmeniň şöhraty  bedewler
“Kim çalasyn kim çakgan”
“Ýaşajyk türgenler” atly bäsleşik geçirildi
Tejen etrabynda wagyz-nesihat ýygnagy  geçirildi
Tejen etrabynda küşt we şaşka boýunça sport ýaryşy geçirildi
Karbamidiň öndürilişi artýar
Ahally maldarlar dowarlardan 169 müň 900 owlak-guzy aldylar
Aşgabat –Türkmenabat ýokary tizlikli awtoulag ýolunyň ikinji bölegi açylar
Tejen etrabynda zenanlar we maşgala gymmatlygy barada wagyz nesihat duşuşygy geçirildi
Saglygymyzy goralyň!
Tejen etrabynda Halkara zenanlar güni mynasybetli dabara geçirildi