Bu maslahat Durnukly ösüşiň maksatlarynyň “Ýokary hilli bilim” ugruna esaslanyp, professor-mugallymlaryň tejribe alyşmagy we okuw işlerini kämilleşdirmek maksady bilen guraldy.


Maslahatyň dowamynda çykyş edenler Türkmenistanyň Hormatly Prezidentiniň ýolbaşçylygynda ýurdumyzda bilim ulgamynda amala aşyrylýan giň gerimli özgertmeleri nygtadylar. Bilimiň hili we döwrebaplygy babatda, ýaşlaryň islegine laýyklykda, dünýä ülňülerine laýyk gelýän şertleriň döredilmegi aýratyn bellenildi.


Şeýle-de, çykyşlarda ýurdumyzyň energetika pudagynyň ösüşini üpjün etmek we bu ugurda zerur hünärmenleri taýýarlamak meseleleriniň ähmiýeti ara alnyp maslahatlaşyldy. Çykyş edenler, hormatly Prezidentimiziň bu ugra aýratyn üns berýändigini nygtap, bilim ulgamynda gazanylýan üstünlikleri giňden beýan etdiler.


Okuw-usuly maslahatyň dowamynda professor-mugallymlar täze sapak usullaryny ulanmak bilen açyk sapaklaryň geçirilmegi boýunça tejribe alyşdylar. Çäräniň maksady, bilim bermegiň hilini ýokarlandyrmak we döwrebap okatmagyň netijeli usullaryny ornaşdyrmak boldy.Bu çäräniň üstünlikli geçirilmegi, bilim ulgamynda innowasiýalaryň ornaşdyrylmagyna we bilim beriş usullarynyň hil taýdan ösdürilmegine goşant goşdy.

Çeşme: education.gov.tm

Myrat ROZMYRADOW,
Türkmenistanyň Döwlet energetika
institutynyň talyby.