Türkmensitanyň Daşary işler ministrliginiň Halkara gatnaşyklary institutynda hormatly Prezidentimiz Serdar Berdimuhamedowyň «Ýaşlar — Watanyň daýanjy» atly kitabynyň ýapon dilindäki neşiriniň tanyşdyrylyş dabarasy geçirildi. Bu barada Türkmenistanyň resmi metbugaty habar berdi.

Bu eser türkmen ýaşlaryna bagyşlanyp, olaryň ýurdumyza goşan uly goşandyny we üstünliklerini nygtaýar. Geçen ýylyň dekabrynda çap edilen kitap, türkmen ýaşlarynyň durmuşyndaky ähmiýetini göz öňünde tutup, türkmen halkynyň ösüşine goşýan özboluşly täsiri barada giňden gürrüň berýär. 

Dabara Türkmenistanyň Daşary işler ministrliginiň we beýleki diplomatik wekilhanalaryň wekilleri, ýokary okuw mekdepleriniň professor-mugallymlary, talyplar, halkara guramalaryň ýolbaşçylary, şeýle hem «ITOCHU Corporation» kompaniýasynyň wekilleri gatnaşdylar. 

Türkmenistanyň ýaşlarynyň ösüşi üçin ähli zerur şertler döredilýär. Onlar ýokary hilli bilim alýarlar, döredijilikde we sportda üstünlikler gazanýarlar, döwrebap bilim we hünärler edinýärler. Bu ugurda kabul edilen maksatnamalar we kanunlar, ýaşlaryň ösüşine laýyk şertleriň döredilýändigini görkezýär. Gahryman Arkadagymyzyň başlan başlangyçlary, häzirki wagtda hormatly Prezidentimiziň ýolbaşçylygynda amala aşyrylýar. Ýaponiýa bilen alnyp barylýan hyzmatdaşlyk, soňky ýyllarda ylym we bilim ulgamynda täze mertebä çykdy. Ýaponiýanyň öňdebaryjy bilim ojaklary bilen ýola goýlan gatnaşyklaryň netijesinde, türkmen ýokary okuw mekdeplerinde ýapon dili öwredilýär. «Ýaşlar — Watanyň daýanjy» atly kitap, ýaşlara terbiýe we bilim bermekde möhüm ähmiýete eýe bolup, türkmen halkynyň terbiýeçilik däplerini we watançylyk, ynsanperwerlik, ahlak gymmatlyklaryny görkezýär.

Dabara gatnaşyjylar kitabyň ýaş nesillere degişli dünýä we jemgyýet üçin saldamly goşant goşjakdygyny nygtap, hormatly Prezidentimiz Serdar Berdimuhamedowa we türkmen halkynyň Milli Liderine iň gowy arzuwlaryny bildirdiler.

Nurjemal HANOWA,
Türkmenistanyň Daşary işler ministrliginiň
Halkara gatnaşyklary institutynyň talyby.