2025-nji ýylyñ 18-nji martynda Aşgabat şäherinde "Türkmenistanyñ geljegine maýa goýumlar" atly halkara forum (IFT 2025) geçiriler. Forum hususy bölege maýa goýumlary çekmek boýunça möhüm meýdança bolup, Türkmenistanyň Senagatçylar we Telekeçiler Birleşmesi, Söwda-senagat edarasy hem-de "TMT Consulting Group" kompaniýasy tarapyndan guralýar.

IFT 2025 forumy ýurdumyzyň ykdysady pudagyny ösdürmäge gönükdirilen strategiki taslamalary ara alyp maslahatlaşmak üçin tanymal halkara we ýerli maýadarlary, telekeçileri, maliýe edaralaryny hem-de döwlet düzümleriniň wekillerini özüne jemlär.

Çäräniň dowamynda senagat, ulag, oba hojalyk, maglumat tehnologiýalary ýaly ugurlarda öňdebaryjy taslamalar tanyşdyrylar. Şeýle hem işewürligi goldamak, maýa goýumlary çekmek we sebitde iş alyp barmak boýunça dünýäniň öňdebaryjy tejribeleri bilen paýlaşmak üçin ekspert maslahaty guralar. Forumyň dowamynda türkmen telekeçileri öz taslamalaryny halkara maýadarlara hödürläp, täze hyzmatdaşlary tapmak mümkinçiligine eýe bolarlar.

Çärä gatnaşmak isleýänler şu ýerden hasaba alnyp bilerler. Guramaçylar ähli gyzyklanýan taraplary bu möhüm foruma gatnaşmaga çagyrýarlar.