https://ahal.info Täzelikler Portaly 2026-10-06 08:53:07 https://ahal.info/tm/news/turkmen-yaslary-1040-medalyn-eyesi-boldy Sat, 03 Oct 2026 14:30:22 +0500 https://ahal.info/tm/news/turkmen-yaslary-1040-medalyn-eyesi-boldy Sanly ulgam arkaly geçirilen Ministrler Kabinetiniň nobatdaky mejlisinde ýurdumyzyň ylym-bilim ulgamynda ýerine ýetirilen işler barada hasabat berildi. «Watan» habarlar gepleşiginde bellenilip geçilişi ýaly, ýylyň dokuz aýynda bilimiň hilini ýokarlandyrmaga, öňdebaryjy tejribeleri bilim ulgamyna ornaşdyrmaga gönükdirilen çäreler üstünlikli dowam etdirildi. Şonuň netijesinde, mekdep okuwçylary we talyplar halkara bäsleşiklerde uly üstünlik gazanyp, jemi 1040 medaly eýelediler.   Bilimler we talyp ýaşlar gününde ähli bilim edaralarynda «Garaşsyz, baky Bitarap Türkmenistan — bedew batly at-myradyň mekany» diýen şygar astynda dabaraly çäreler hem-de ilkinji okuw sapaklary geçirildi. Gahryman Arkadagymyzyň we Türkmenistanyň Prezidentiniň adyndan 1-nji synp okuwçylaryna täze noutbuklar gowşuryldy.   Baýramçylyk günlerinde döwlet Baştutanynyň gatnaşmagynda birnäçe iri desgalar — Türkmen döwlet binagärlik-gurluşyk institutynyň, Seýitnazar Seýdi adyndaky Türkmen döwlet mugallymçylyk institutynyň täze binalar toplumlary dabaraly ýagdaýda açylyp ulanmaga berildi. Mundan başga-da, Garaşsyzlygyň 35 ýyllygy mynasybetli ýurduň birnäçe alymlaryna professor, dosent we uly ylmy işgär ylmy atlary dakyldy.   Hormatly Prezidentimiz hasabaty diňläp, ylym, bilim, saglygy goraýyş hem-de sport ulgamlaryny yzygiderli kämilleşdirmegiň, ýaşlara döwrebap bilim bermek işine hemişe aýratyn üns bermegiň zerurdygyny nygtady.   Muhammet AGANIÝAZOW, Halkara senagatçylar we telekeçiler  uniwersitetiniň talyby. https://ahal.info/tm/news/turkmenistanyn-parahatcylyga-gonukdirilen-dasary-syyasaty Fri, 02 Oct 2026 23:31:09 +0500 https://ahal.info/tm/news/turkmenistanyn-parahatcylyga-gonukdirilen-dasary-syyasaty Daşary syýasatda bitaraplyk ýoluny saýlap alan döwletler halkara ýagdaýlarynyň parahatçylykly dowam etmegine möhüm goşant goşýarlar we döwletara gatnaşyklarynyň mümkin boldugyça durnukly we howpsuz alnyp barylmagy üçin işjeň tagallalary ýerine ýetirýärler.   Bitarap ýurtlar dürli gepleşikleri geçirmekde ýa-da halkara guramalarynyň edara düzümlerini ýerleşdirmekde ynamly we oňaýly ýer hyzmatyny hem ýerine ýetirýärler. Halkara gatnaşyklary ulgamynda bitaraplygyň dürli görnüşleri, halkara-hukuk derejeleri, maksatlary we amala aşyrylyş usullary bar. Munuň özi dünýä syýasatynyň we diplomatiýasynyň asyrlarboýy toplap gelýän tejribesini baýlaşdyrýar.   Bitaraplygyň görnüşleriniň we durmuşa geçiriliş usullarynyň kämilleşmegi dünýä jemgyýetçiliginiň ösüşine we her döwrüň özüne mahsus taryhy şertlerine laýyklykda bolup geçdi. Şeýle bolsa-da, onuň mazmuny we maksatlary parahatçylyga ýardam bermek, halkara ulgamynda dartgynlygy peseltmek we özara ynanyşmak esasyndaky hyzmatdaşlygy alyp barmak bolup galýar. Bu babatda bolsa, bitaraplygyň mümkinçilikleriniň mydama-da uly bolup galýandygyna göz ýetirse bolýar.   Munuň özi ýöne ýerden däldir. Sebäbi bitarap döwlet halkara meselelerine milli we ählumumy bähbitleriň utgaşmagy nukdaýnazaryndan çemeleşmek bilen birlikde, zerur çözgüdi kabul etmekde garaşsyz, özbaşdak we erkin bolup durýar. Bitaraplyk derejesine eýe bolan döwlet geosyýasy maksatlary göz öňünde tutýan ýaranlyklardan daşda durýar.   Dursun DURPOLADOWA, Seýitnazar Seýdi adyndaky Türkmen döwlet mugallymçylyk institutynyň Pedagogika fakultetiniň mekdebe çenli bilim we terbiýe hünäriniň talyby. https://ahal.info/tm/news/arkadag-saheri-dowrebap-osuslerin-we-bagtyyar-durmusyn-saheri Fri, 02 Oct 2026 22:54:34 +0500 https://ahal.info/tm/news/arkadag-saheri-dowrebap-osuslerin-we-bagtyyar-durmusyn-saheri Türkmenistanyň Garaşsyzlyk ýyllarynda ýurdumyzyň ähli künjeklerinde uly özgertmeler amala aşyryldy. Şol özgertmeleriň iň ajaýyp nyşanlarynyň biri hem Arkadag şäheridir. Bu şäher diňe bir täze ilatly nokat bolman, eýsem, häzirki zaman şähergurluşyk tejribesiniň, sanly tehnologiýalaryň, ekologiýa abadançylygynyň we milli binagärlik däpleriniň sazlaşykly utgaşan nusgasydyr.   Arkadag şäheri ilatyň ýokary derejeli ýaşaýyş-durmuş şertleri bilen üpjün edilmegi, ýaş nesilleriň bilim almagy, saglygyny goramagy we medeni dynç alşy üçin ähli mümkinçilikleriň döredilen şäheridir. Giň we döwrebap şaýollar, gök zolaklar, seýilgähler, ýaşaýyş jaýlary, bilim ojaklary, çagalar baglary, sport desgalary hem-de saglygy goraýyş edaralary şäheriň häzirki zaman keşbini emele getirýär.   Şäherde sanly tehnologiýalaryň giňden ornaşdyrylmagy ýaşaýjylara edilýän hyzmatlaryň hilini has-da ýokarlandyrýar. «Akylly şäher» ýörelgelerine laýyklykda gurlan Arkadag şäherinde dolandyryş ulgamy, ulag hereketi, aragatnaşyk we jemgyýetçilik hyzmatlary häzirki zaman sanly çözgütleri esasynda alnyp barylýar. Bu bolsa wagty tygşytlamaga, amatlylygy artdyrmaga we şäher durmuşynyň netijeliligini üpjün etmäge ýardam berýär.   Arkadag şäherinde daşky gurşawy goramaga hem uly ähmiýet berilýär. Şäheriň köçeleri, seýilgähleri dürli görnüşli baglar we güller bilen bezelen. Arassa howany, ýaşyl zolaklary we ekologik taýdan arassa gurşawy döretmek ugrunda alnyp barylýan işler şäheriň gözelligini has-da artdyrýar. Şeýle çemeleşme ilatyň sagdyn durmuş ýörelgesini alyp barmagyna hem oňyn täsir edýär.   Şäherde ýaşlaryň bilim almagy we ukyp-başarnyklaryny ösdürmegi üçin ähli şertler döredilendir. Döwrebap mekdepler, çagalar baglary, medeniýet merkezleri we sport toplumlary ýaş nesliň giň dünýägaraýyşly, watansöýüji we ýokary bilimli bolup ýetişmegine hyzmat edýär. Bu bolsa ýurdumyzyň geljeginiň ygtybarly ellerdedigini görkezýär.   Maýa SERDAROWA, Seýitnazar Seýdi adyndaky Türkmen döwlet mugallymçylyk institutynyň Pedagogika fakultetiniň mekdebe çenli bilim we terbiýe hünäriniň talyby. https://ahal.info/tm/news/bedewler-taryhyn-gatlarynda Fri, 02 Oct 2026 22:19:45 +0500 https://ahal.info/tm/news/bedewler-taryhyn-gatlarynda Irki eýýamlar baradaky maglumatlar bilen tanşanyňda hem, ýurdumyzyň günorta ýerlerinde atlary eldekileşdirmek we şol owadan jandar bilen baglanyşykly dini ynançlaryň, sungat eserleriniň döreýşi baradaky taryhy çeşmelere, arheologiýa ylmynyň açyşlaryna gabat gelinýär. Gazuw-agtaryş işleriniň netijesinde eýýäm mis, daş asyrlaryndaky atçylyk sungatyna degişli bolan heýkeljikleriň tapylmagy bu jandar bilen halkymyzyň bagrynyň badaşandygyny tassyklaýar.   Güneşli Türkmenistanda ençeme ýyllap iş alyp baran meşhur arheolog Wiktor Sarianidi Gadymy Marguş topragynda bürünç döwrüne degişli bolan atyň şekilini tapdy. Goňurdepede geçirilen gazuw-agtaryş işleriniň netijesinde jaýlanan atyň we taýçanagyň ystyhanlarynyň tapylmagy gadymy eýýamlarda hem halkymyzyň öz atyna uly hormat bilen garandygyny görkezýär. Gadymy Gresiýanyň, Rimiň taryhçylary Gerodot, Strabon massagetleriň we parfiýalylaryň atçylyk sungatyna üns beripdirler. Köp ýyllaryň dowamynda geçirilen gazuw-agtaryş işleriniň netijesinde Parfiýanyň kümüş teňňeleri tapylýar. Olaryň bir tarapynda patyşanyň ýüz keşbi, beýleki tarapynda bolsa ganatly atyň, pegasyň şekili zikgelenipdir.   Miladynyň II asyrynda Parfiýa gelen Hytaýyň ilçisi Çžan Sýany ýurduň serhedinde 20 müň atly goşun hormat bilen garşylapdyr. Parfiýanyň atly esgerleriniň ussatlyk bilen görkezen hereketleri ýokary derejeli myhmanlary haýran galdyrypdyr. Hytaýyň ilçisi: «Rowaýatlarda ady agzalýan «asman atlarynyň» watanyna geldim» diýip, öz kitabynda belläp geçipdir.   1950-nji ýylda Yzgant obasynyň golaýynda Parfiýa döwrüne degişli bolan toýundan ýasalan möhür tapylýar. Iki taraply tegelek möhüriň bir tarapynda ahalteke atynyň şekili suratlandyrylypdyr. Tapylan möhüriň ýüzündäki atyň şekili Gadymy Horezmiň möhürlerinde, teňňelerinde we gap-çanaklarynda çekilen bedewleriň keşbine gabat gelýär. Bu taryhy maglumatlar biziň ýurdumyzyň gadymdan dünýäde şöhratly atlaryň mekanydygyny tassyk edýär.   Aýnur  EREŞOWA, Seýitnazar Seýdi adyndaky Türkmen döwlet mugallymçylyk institutynyň Pedagogika fakultetiniň mekdebe çenli bilim we terbiýe hünäriniň talyby. https://ahal.info/tm/news/yagsylyga-cagyryan-eser Fri, 02 Oct 2026 14:46:51 +0500 https://ahal.info/tm/news/yagsylyga-cagyryan-eser «Hibatul al-Hakaýyk» (türki dillerde «Atabetü'l-Hakayık») — XII asyrda ýaşap geçen meşhur türki şahyr we alym Ahmet ibn Mahmyt Ýugneki tarapyndan ýazylan filosofiki poemadyr. Bu eser Garahanlylar döwri bolan XI–XII asyrlaryň we ondan soňky döwrüň iň gymmatly edebi ýadygärlikleriniň hatarynda durýar.   Eseriň esasy aýratynlyklary we tematikasy bütinleý nesihat we ahlak temalaryna bagyşlananlygyndadyr. Onda ylym-bilimiň peýdasy we nadanlygyň zyýany, sahylyk we gysgançlyk, pespällik we tekepbirlik, wagt we yslam ahlagynyň özenini düzýän gymmatlyklar dogrusynda gürrüň edilýär.   Gurluşy taýdan şygyrlar Gündogar türki dilinde ýazylandyr. Eser aruz ölçeginde bolup, ol takmynan 256 beýtden ybaratdyr. Kitap biziň günlerimize çenli esasan üç sany doly nusgada gelip ýetdi. Olaryň biri uýgur haty bilen, beýlekileri bolsa arap elipbiýinde göçürilendir. Häzirki wagtda eseriň esasy nusgalary Stambulda we Berlinde saklanýar.   Bu eser «Kutadgu bilig» bilen bir hatarda, bütin türki halklaryň, şol sanda türkmen, özbek, gazak we gyrgyz edebiýatynda hem-de dil biliminde giňden tanalýar. Eserde yslamdan öňki halk pähimleri bilen Gurhan we hadyslara esaslanýan ahlak kadalary utgaşdyrylyp berilýär.   Poema yslam edebine, ahlak gözelligine, ylym-bilimiň peýdasyna, jomartlyga we pespällige bagyşlanan öwüt-nesihatlardan ybaratdyr. Şahyr durnukly ýaşaýşyň esasy hökmünde ylmy öňe sürýär we nadanlygy ýazgarýar.   «Hibatul al-Hakaýyk» eseri Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar instituty tarapyndan düýpli öwrenilýär hem-de metbugat sahypalarynda makalalaryň üsti bilen neşir edilýär. Olarda edebi ýadygärligiň öwrenilişi gozgaýan meselesi, ýaş nesli ylymly, bilimli edip ýetişdirmekdäki ähmiýeti dogrusynda dürlüçe garaýyşlar beýan edilýär. Alymlarymyz tarapyndan «Hibatul al-Hakaýyk» eseri irki döwür türki edebiýatynyň nusgasy hökmünde öwrenilmegi dowam etdirilýär.   Taýýarlanlar Aýbölek GOÇYÝEWA, Magtymguly adyndaky TDU-nyň mugallymy, Ylýas ÖWEZOW, Magtymguly adyndaky TDU-nyň talyby. https://ahal.info/tm/news/yaslaryn-pikiri-geljegin-baslangyjy Thu, 01 Oct 2026 22:01:22 +0500 https://ahal.info/tm/news/yaslaryn-pikiri-geljegin-baslangyjy Berkarar döwletiň täze eýýamynyň Galkynyşy döwründe ýaş nesle aýratyn üns berilýär. Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlangyçlary, şeýle hem Arkadagly Gahryman Serdarymyz, Hormatly Prezidentimiz Serdar Berdimuhamedowyň alyp barýan ýaşlar syýasaty ýaşlaryň bilim almagy, hünär öwrenmegi, döredijilik we jemgyýetçilik işlerine işjeň gatnaşmagy üçin giň mümkinçilikleri döredýär.   Ýaşlar diňe bir Watanyň geljegi bolman, eýsem şu günüň hem işjeň jemgyýetçilik güýjüdir. Olaryň täze pikirleri, başlangyçlary we teklipleri jemgyýetiň ösüşine özboluşly goşant bolup biler. Şonuň üçin ýaşlaryň pikirleriniň jemgyýetçilik durmuşynda göz öňünde tutulmagy aýratyn ähmiýete eýedir.   Ýaşlaryň hukuklaryny halkara derejesinde goramagyň möhüm ugurlarynyň biri hem olaryň karar kabul etmek proseslerine gatnaşmak hukugydyr, Birleşen Milletler Guramasynyň ýaşlaryň netijeli gatnaşmagy baradaky ýörelgelerinde ýaşlaryň pikirleriniň syýasatyň we çözgütleriň kemala gelmeginden başlap, olary durmuşa geçirmek we netijelerine baha bermek tapgyrlaryna çenli göz öňünde tutulmagynyň ähmiýetiniň möhümdigini bellenilýär.   Ýurdumyzda hem ýaşlaryň jemgyýetçilik durmuşyna gatnaşmagy üçin hukuk esaslary döredilen, «Türkmenistanyň Ýaşlar barada döwlet syýasaty hakynda» kanunynda ýaşlaryň jemgyýetçilik taýdan ähmiýetli başlangyçlar boýunça teklipleri hödürlemegi, döwlet edaralary bilen hünärini kämilleşdirmek boýunça hyzmatdaşlyk etmegi we ýaşlar syýasatynyň durmuşa geçirilmegine gatnaşmagy üçin mümkinçilikler göz öňünde tutulýar.   Hormatly Prezidentimiz Serdar Berdimuhamedowyň «Ýaşlar — Watanyň daýanjy» atly kitabynda ýaş nesliň bilimli, sagdyn, giň dünýägaraýyşly we watansöýüji bolup ýetişmegine uly ähmiýet berýär. Kitapda bilim, sport, sagdyn durmuş ýörelgesi, döredijilik we milli terbiýe ýaly ugurlaryň ýaşlaryň durmuşyndaky orny aýratyn bellenilýär.   Ýaşlaryň pikirini göz öňünde tutmak — diňe bir olaryň hukugyny üpjün etmek däl. Bu jemgyýetiň ösüşine täze garaýyşlary, täze başlangyçlary we täze mümkinçilikleri goşmakdyr. Sebäbi häzirki ýaşlar ertiriň däl, eýsem şu günüň hem döredijilikli we işjeň güýjüdir.   Şonuň üçin her bir ýaş adamyň gowy pikiri, esasly teklibi we peýdaly başlangyjy jemgyýetiň ösüşine goşant bolup biler. Çünki uly özgertmeler käwagt uly meýilnamadan däl-de, bir ýaş nesliň yhlasyna ýugrulan ýönekeý pikirden başlanýar.     Gülaýym Käbäýewa Döwletmyradowna  Halkara Ynsanperwer ylymlary we ösüş uniwersitetiniň halkara hususy hukugy hünäriniň 1-nji ýyl talyby https://ahal.info/tm/news/gahryman-arkadagymyzyn-eserlerinde-magtymgulynyn-kesbi-1 Thu, 01 Oct 2026 22:26:48 +0500 https://ahal.info/tm/news/gahryman-arkadagymyzyn-eserlerinde-magtymgulynyn-kesbi-1 Garaşsyzlyk ýyllarynda Magtymgulyny öwrenmegiň täze mazmunlara eýe bolmagyna mynasyp seslenip, täzeçe pikir ýöretmek, akyldaryň dury suwly paýhas çeşmesine aralaşmakda netijeli işler ýerine ýetirildi. Bu işleriň ählisi bolsa hormatly Arkadagymyz Gurbanguly Berdimuhamedowyň edebi mirasymyzy öwrenmäge goýýan sarpasynyň, akyldar şahyr Magtymguly Pyragynyň döredijiligini öwrenmek we  bütin dünýä wagyz etmek  baradaky tagallalaryndan başlangyç gözbaşyny alyp gaýdýar.   Magtymguly Pyragynyň goşgulary häzirki zaman çeper edebiýatymyzda öz beýanyny tapýar. Milli Liderimiziň «Pähim-paýhas ummany Magtymguly Pyragy» atly goşgusynda, «Ynsan kalbynyň öçmejek nury», «Älem içre at gezer» we  «Döwlet guşy» kitaplarynda akyldaryň durmuş we döredijilik ýoly bilen bagly gürrüňlerdir rowaýatlara hem-de şahyrana döredijiligine uly orun berilýär. Bu iki taryhy romanyň atlary Magtymgulynyň parasatly setirleri bilen sazlaşýar.   Munuň özi, birinjiden, hormatly Arkadagymyzyň akyldar şahyryň döredijiligine çäksiz hormat bilen garaýandygyny, ikinjiden, eserleriň gahrymanlarynyň, ýagny Milli Liderimiziň we Arkadagly Gahryman Serdarymyzyň pederleriniň – Anna agadyr Berdimuhamet mugallymyň Pyragynyň goşgularyndaky pähim – paýhasy nesillere ýetirmekde uly işleri bitirendigini, Mälikguly aganyň bolsa şol pähim-paýhasa uýýan maşgalada önüp-ösendigini, üçünjiden bolsa, Magtymgulynyň külli türkmeniň kalbynda ýaşaýan beýik şahsyýetdigini edebi usulda subut edýär. Şahyryň «Älem içre adam galmaz, at gezer», «Götermese döwlet guşy, uçup bolmaz per biläni» ýaly setirleriniň many-mazmuny iki romanyň hem içinden eriş-argaç bolup geçýär.   Gurbansoltan ALLABERDIÝEWA, Türkmenistanyň Daşary işler ministrliginiň Halkara gatnaşyklary institutynyň talyby. https://ahal.info/tm/news/demokratiyanyn-kamil-nusgasy Thu, 01 Oct 2026 14:03:54 +0500 https://ahal.info/tm/news/demokratiyanyn-kamil-nusgasy Taryhda türkmen jemgyýetinde oba jemagatynyň orny aýratyn ähmiýete eýe bolupdyr. Bu jemagat bitewi döwletiň ýok şertlerinde esasy wezipäni amal edipdir. Olar gadym zamanlardaky ýaly ýönekeý gurama bolman, jemgyýetde durmuş deňsizliginiň has güýçli döwründe netijeli iş alyp barýan gurama öwrülipdir. Şeýlelikde, dowam edýän adatyň we kada-kanunlaryň esasynda bütin ilatyň agzybirligi üpjün edilipdir.   Türkmen jemgyýetiniň dolandyryş ulgamynda iň ýokary edara Maslahat bolupdyr. Maslahat saýlawly edara bolup, onuň düzümine, esasan, taýpa hanlary, serdarlary, miraplar, kethudalar we ýene-de ençeme atly-abraýly ynsanlar giripdir.   Garaşsyzlyk türkmen halkyna öz ykbalyny özbaşdak kesgitlemek hukugyna daýanyp, milli däp-dessurlaryna, milli aňyýetine, durmuş tejribesine, taryhyna, mirasyna we milli häsiýetine esaslanýan, demokratik, dünýewi we hukuk döwletini berkarar etmek mümkinçiligini eçildi.   Türkmenistanyň Halk Maslahatynyň 23-nji sentýabrda geçirilen mejlisi halk demokratiýasynyň we halk häkimiýetiniň milli ýol-ýörelgeleriniň dabaralanmasyna, halkymyzyň hormatly Prezidentimiziň daşyna jebisleşmeginiň nyşanyna, ýurdumyzyň Garaşsyzlygynyň we özygtyýarlylygynyň mizemezliginiň hem-de geljekki ösüşiniň kepiline öwrüldi.   Alihan AHMEDOW, Türkmenistanyň Daşary işler ministrliginiň Halkara gatnaşyklary institutynyň talyby. https://ahal.info/tm/news/garassyzlyk-bagtyyarlygyn-bas-serti Thu, 01 Oct 2026 13:38:48 +0500 https://ahal.info/tm/news/garassyzlyk-bagtyyarlygyn-bas-serti Garaşsyzlygyň gadyr-gymmaty halkymyzyň agzybirliginiň, bir jan, bir tenliginiň beýik Watana bolan söýgüsinde jemlenýänligindedir. Ata Watana bolan beýik söýgi öz başlangyjyny Gahryman Arkadagymyzyň: «Ýaşasyn, jan Watanym Türkmenistan!» diýen mukaddes sözlerinden alyp gaýdýar. Bu jümle indi her bir türkmeniň ýaşaýşa bolan söýgüsine, ajaýyp ertirlere bolan çagyryşyna öwrülip, ähli kişiniň dilinde ýaňlanýar. Bu sözüň gudraty bilen uly dünýäniň bir bölegi bolan ata Watanymyzyň zähmetsöýer halky ululara hormat goýup, ýaş nesillerini watançylyk, ýokary ahlaklylyk ruhunda terbiýeläp, toýlardan toýa alyp barýar.   Garaşsyzlygyň her bir güni, her bir pursady şanly wakalara beslenip, Watanymyzyň ösüşleriniň ýyl ýazgysyny altyn harplar bilen bezeýär. Garaşsyzlyk ýyllary içinde gazanylan ösüşler-özgerişler, amala aşyrylan beýik-beýik maksatlar, il-ýurt bähbidi üçin gurlan we gurulýan durmuş-maksatly binalar Garaşsyzlygyň bize beren bagtyýarlygydyr.   Garaşsyzlyk — Diýarymyzyň Baş baýramy bolup, ata-babalarymyzyň arzuwlan erkinliginiň wysalydyr. Parahatçylyk, ynanyşmak, ysnyşmak, ykdysady hyzmatdaşlyk arkaly adamzat siwilizasiýasynyň ösmegidir.   Bu toý il-halkymyz üçin hem, Watanymyz üçin hem iň mukaddes toýlaryň, baş baýramlaryň biridir. Halkymyz indi ençeme ýyl bäri Garaşsyzlyk bossanyna eýlenen aýdyň säherlerini, asuda asmanymyzda her sabada tyllaýy nuruny äleme saçyp dogýan Gün şuglasyny uly buýsanç, ýagşy niýet, arassa, halal doga-dilegleri bilen garşy alýar. Sebäbi Garaşsyzlygyň gazanylmagy bilen ýurdumyz syýasy, ykdysady taýdan özbaşdaklygyny aldy. Garaşsyzlyk halkymyza syýasy, durmuş-ykdysady, medeni-ruhy ulgamlarda görlüp-eşidilmedik ösüş-özgerişleriň badalga almagyna itergi berdi.   Mekan AZADOW,                                                       Türkmenistanyň Daşary işler ministrliginiň Halkara gatnaşyklary institutynyň talyby. https://ahal.info/tm/news/garassyzlyk-yyllarynyn-telezurnalistikasy Thu, 01 Oct 2026 13:11:34 +0500 https://ahal.info/tm/news/garassyzlyk-yyllarynyn-telezurnalistikasy Häzirki zaman jemgyýetiň köpçülikleýin habar serişdeleri, esasan hem teleýaýlym ulgamy diňe bir gündelik maglumatlary ýaýratmagyň guraly bolman, eýsem, halkyň ruhy-ahlak gymmatlyklaryny, medeni mirasyny we döwletlilik binýadyny berkidýän esasy jemgyýetçilik mehanizmidir.   XXI asyrda köpçülikleýin habar beriş serişdeleriniň amala aşyrýan hyzmaty milli aňyýeti ösdürmek we jemgyýetçilik ösüşiniň ugurlaryny kesgitlemek bilen aýrylmaz baglydyr. Türkmenistanyň Garaşsyzlygyny almagy bilen, milli teležurnalistikamyz özüniň ösüş ýolunda hil taýdan bütinleý täze basgançaga geçdi.   Garaşsyzlyk ýyllarynda türkmen teležurnalistikasynda gepleşikleriň beýan ediliş aýratynlyklaryny ylmy taýdan öwrenmek esasy meseleleriň biridir. Amala aşyrylan düýpli özgerişler diňe bir gepleşikleriň sanynyň ýa-da ýaýlym sagatlarynyň artmagy bilen däl, eýsem, maglumatyň mazmunynda, dilde, žanrynda, diktorlyk sungatynda we tehnologik tärlerde öz beýanyny tapdy. Teleýaýlym milli medeni mirasy dikeltmegiň, taryhy hakykaty halka ýetirmegiň hem-de ýurduň gazanan ykdysady-sosial üstünliklerini dünýä äşgär etmegiň baş şertine öwrüldi.   Akgül ATABAÝEWA, Türkmenistanyň Daşary işler ministrliginiň Halkara gatnaşyklary institutynyň talyby.