Toýlary toýa ulaşýan eziz Diýarymyzda agzybir halkymyzyň her bir güni ýatdan çykmajak ýakymly pursatlara beslenýär. Köpçülikleýin sport hereketleriniň giňden ýaýbaňlandyrylýan saglyk aýy bolan hoştap howaly aprelde boljak esasy wakalaryň biri-de ýokary tizlikli Aşgabat – Türkmenabat uly awtoulag ýolunyň ikinji – Tejen – Mary böleginiň açylyş dabarasynyň geçirilmegidir.

2019-njy ýylyň 24-nji ýanwarynda gurluşygyna badalga berlen bu ýokary tizlikli ýoluň ilkinji 203 kilometrlik Aşgabat – Tejen böleginiň açylyş dabarasy 2021-nji ýylyň 29-njy oktýabrynda bolupdy. Gurluşygy Türkmenistanyň Senagatçylar we telekeçiler birleşiginiň agzasy bolan “Türkmen awtoban” ýapyk görnüşli paýdarlar jemgyýeti tarapyndan amala aşyrylýan häzirki zaman awtoulag ýolunyň we onuň desgalarynyň ýerine ýetiriliş işleriniň hil derejesine gözegçilik etmek boýunça “VCE Vienna Consulting Engineers ZT GmbH” kompaniýasy bilen şertnama baglaşyldy.  

Suhrabjan POLATBAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 4-nji ýyl talyby.