Berkarar döwletimiziň täze eýýamynyň Galkynyşy döwründe Arkadagly Gahryman Serdarymyzyň  taýsyz tagallalary bilen ýurdumyzyň ylym-bilim ulgamynda alnyp barylýan işler täze ösüşlere eýe bolýar. Bu möhüm ulgamyň işini döwrebap derejede guramak, oňa innowasion tehnologiýalary ornaşdyrmak, ýaşlara berilýän bilimiň hilini ýokarlandyrmak, bu babatda milli aýratynlyklary göz öňünde tutmak bilen, dünýä tejribesinden ugur almak, sanly bilim ulgamyna geçmek boýunça giň möçberli işler alnyp barylýar. Ýurdumyzyň bilim edaralarynda sanly bilim ulgamlaryny kämilleşdirmek üçin köp mümkinçilikler döredilýär.Sebäbi islendik döwletiň ösüşi şol döwletiň ylym biliminiň ösüşine bagly bolup durýar diýilýär.

Sanly bilimi ösdürmek üçin ilkinji nobatda, bilim ulgamynda zähmet çekýän mugallymlaryň, hünärmenleriň, şeýle-de bilim alýanlaryň häzirki zaman kompýuter tehnologiýalaryndan kämil baş çykarmaklarynyň zerurdygy öz-özünden düşnükli. Şeýlelikde, häzirki zaman tehniki serişdeleriň we maglumat gorlarynyň ulanylyşynda bilim işgärleriniň bu ugurda taýýarlygyny kämilleşdirmek wezipesi-de üstünlikli amala aşyrylýar. 

Häzirki wagtda «Türkmenistanda sanly bilim ulgamyny ösdürmegiň Konsepsiýasyny» durmuşa geçirmek boýunça işler ýokary depginde alnyp barylýar. Ony durmuşa geçirmegiň birinji tapgyrynda meýilleşdirilen çäreler boýunça ýurdumyzyň ýokary okuw mekdeplerinde hünärmenler, professor-mugallymlar, şeýle-de talyp ýaşlar tarapyndan sanly bilim ulgamynyň tor programma üpjünçiligi, onuň binýadynda sanly bilim portallary işlenip düzüldi. 

Bi­lim ul­ga­my­ny has-da döw­re­bap­laş­dyr­mak hem-de kä­mil­leş­dir­mek ba­bat­ynda ýe­ne-de köp san­ly iş­le­ri dur­mu­şa ge­çir­mek nazarda tu­tul­ýar. Ýur­du­myz­da san­ly bi­lim ul­ga­my­ny or­naş­dyr­mak we elekt­ron bi­li­miň se­riş­de­le­ri­ni ös­dür­meklige uly üns berilýär. 

Biz bilim işgärleri bilim ulgamynyň ösdürilmegi, innowasion tehnologiýalary ornaşdyrmak  ugrunda taýsyz tagallalar edýän Gahryman Arkadagymyza, Arkadagly Gahryman Serdarymyza çäksiz minnetdarlygymyz çäksiz. Gahryman Arkadagymyzyň, hormatly Prezidentimiziň janlarynyň sag, başlarynyň dik bolmagyny, il-ýurt bähbitli alyp barýan döwletli işleriniň elmydama rowaçlyklara beslenmegini tüýs ýurekden arzuw edýäris!

Gülzire AÇILOWA,
Çärjew etrabynyň 48-nji orta mekdebiniň 
fizika-informatika mugallymy.