Gözel tebigatymyzyň täsinligine gutarma ýok. Häli henizem tebigat özüniň jadyly täsinlikleri bilen adamzady haýrana galdyrmany dowam edýär.  Tebigat özüniň dürli reňkleri bilen hem adamzadyň esasy üns merkezinde bolmany başarýar. Göräýmäne ol reňkleriň ajaýyp sazlaşygy hyýaly dünýäde bardyr diýip pikir edýäris! Ýöne olar hyýallaryň hakykatydyr.  Älemgoşar kaktusy hem tebigatyň hyýaly hakykatydyr.

Älemgoşar kaktusy açyk we üýtgeşik reňkleri bilen tanalýan kaktuslar toparydyr.  Olar gyzyl, mämişi, sary, ýaşyl, gök ýa-da gyrmyzy reňklerde bolýar. Käbir älemgoşar kaktuslarynda bir ösümlikde birnäçe reňkleri bolýar.  Bu ajaýyp kaktuslar köplenç Demirgazyk we Günorta Amerikanyň çöllerinde we ýarym çöllerinde duş gelýär. Olar deňiz derejesinden 4000 metr belentlikde ösüp bilýärler.  Älemgoşar kaktuslary, adatça 10-20 sm beýiklikde ösýän ownuk ösümliklerdir. Olaryň sferiki ýa-da silindr görnüşi bar. Bu kaktuslaryň baldaklary ak, goňur ýa-da sary reňkde bolup tikenjikler bilen örtülendir.

Dürli reňklerde  bolmana ukyply bolan Älemgoşar kaktuslary ýaz we tomus aýlarynda gülleýärler. Olaryň gülleri ýekelikde we ýygnalan görnüşde bolup bilýär. Ajaýyp kaktuslaryň güljagazlary hem ak, sary, gülgüne, gyzyl, mämişi ýa-da gyrmyzy reňklerde bolýar.

Älemgoşar kaktuslary otag şertlerinde ösdürmek  üçin meşhur ösümlik görnüşi hasaplanýar. Olary gaplarda ýa-da açyk howada hem ösdürip bolýar. Esasan hem olary ösdürip ýetişdirmek  üçin gün ýagtylygy gowy düşýän ýer bolmaly. Eger-de  gün ýagtylygy ýetmezçilik etse olaryň reňkleriniň gowşak bolmagyna getirýär. Topraga bolan talyby hem ýokary hasaplanýar.  Kök çüýremäniň öňüni almak üçin olara gowy yzgarlanan topraga ekmeli. Sebäbi olar köp suwa talapkär ösümlik hasaplanmaýar. Olary tomus aýlarynda hepde-de bir gezek suwarmaklyk gyş aýlarynda bolsa aýda bir gezek suwarmaklyk maslahat berilýär. Älemgoşar kaktuslary otagyňyzda ösdürip  ýetişdiriň hem-de otagyňyzyň owadanlygyna owadanlyk goşuň!
 

Wikipedia maglumatlary esasynda taýýarlan
 

Albina ZAKIRJANOWA,
Türkmen oba hojalyk institutynyñ talyby
Türkmenistanyñ Ýaşlar baýragynyñ eýesi