Berkarar döwletiň täze eýýamynyň Galkynyşy döwründe täze 2025-nji “Halkara parahatçylygy we ynanyşmak” ýyly diýlip yglan edilmegi mynasybetli hem-de hormatly Prezidentimiziň alyp barýan parasatly syýasatyny raýatlara düşündirmek maksady bilen Tejen Awtoulag  kärhanasynda wagyz-nesihat duşuşygy geçirildi. Oňa jemgyýetçilik guramalarynyň başlyklary hem-de kärhanada zähmet çekýän işgärler  gatnaşdy.

Duşuşykda çykyş edenler berkarar döwletiň täze eýýamynyň Galkynyşy döwründe hormatly Prezidentimiziň parasatly ýolbaşçylygynda ösüp gelýän ýaş nesillerimiziň arassa ahlakly, berk-bedenli, sagdyn-ruhly, Watana wepaly bolup ýetişmekleri üçin halkymyzyň bolelin eşretli durmuşda ýaşamagy üçin taýsyz  tagallalary netijesinde  alyp barýan tutumly işleri barada giňişleýin aýdyp geçdiler. Mundan başga-da ilat arasynda  durmuşa geçirilýän kadalaşdyryjy  hukuknamalar hem-de olary ýerine ýetirmekde, sagdyn  jemgyýet howpsuzlygyny, asudalygyny  üpjün  etmek hem-de Gahryman Arkadagymyzyň, Arkadagly Gahryman  Serdarymyzyň ýaş nesiller üçin döredip berýän mümkinçilikleri esasynda maşgala berkligini gazanmak barada nygtap geçdiler.

Duşuşygyň ahyrynda oňa gatnaşanlar türkmen halkynyň Milli Lideri  Gahryman Arkadagymyzyň , Arkadagly Gahryman Serdarymyzyň  janlarynyň sag, ömürleriniň  uzak bolmagyny, il-ýurt bähbitli, dünýä ähmiýetli işleriniň rowaç bolmagyny  arzuw etdiler.

Bägül  Gurbanowa
Türkmenistanyň  Kärdeşler  arkalaşyklarynyň
Ahal  welaýatynyň  Tejen  etrap 
birleşmesiniň  esasy  hünärmeni