Şu gün Wengriýa iş sapary bilen barýan Türkmenistanyň Milli Lideri, Halk Maslahatynyň Başlygy Gurbanguly Berdimuhamedow Türki döwletleriň guramasynyň Aksakgallar Geňeşiniň başlygy Binaly Ýyldyrymyň çakylygy boýunça, geňeşiň 16-njy mejlisine gatnaşmaga barýar. Bu barada Türkmenistanyň resmi metbugaty habar berýär.

Gahryman Arkadagymyz geňeşiň 16-njy mejlisine gatnaşmak üçin Wengriýanyň Daşary işler we söwda ministrliginiň binasyna ugrady. Bu ýyl mart aýynda Aksakgallar Geňeşiniň 15-nji mejlisi Aşgabatda, Türkmenistanyň Halk Maslahatynyň Başlygy Gurbanguly Berdimuhamedowyň ýolbaşçylygynda geçirildi.

Aksakgallar Geňeşi Türki döwletleriň guramasynyň maslahat beriji guramasy bolup, agza ýurtlardan belli jemgyýetçilik işgärleri tarapyndan saýlanýan Aksakgallardan ybaratdyr. Türkmen halkynyň Milli Lideri Gurbanguly Berdimuhamedow 2022-nji ýylyň aprelinden bäri bu geňeşiň agzasydyr.

Geňeşiň nobatdaky mejlisiniň gün tertibine Aksakgallar Geňeşiniň işine degişli möhüm meseleler girizildi. Şeýle hem gurama agza ýurtlaryň bilelikdäki işiniň esasy ugurlary, Aşgabatda geçirilen 15-nji mejlisde kabul edilen teklipleriň durmuşa geçirilmegi barada maslahatlar geçirildi.

Azat ÇARGULYÝEW,
Berdimuhamet Annaýew adyndaky Arkadag
şäher mugallymçylyk orta hünär okuw mekdebiniň
mugallymy.