Şu gün Türkmenistanyň Jemgyýetçilik guramalarynyň merkezi binasynda Türkmenistanyň Magtymguly adyndaky Ýaşlar guramasynyň Merkezi Geňeşiniň hem-de Türkmenistanyň Bilim ministrliginiň bilelikde gurnamagynda «Ýaş robototehnikaçy» atly bäsleşik geçirildi. Bäsleşige ýurdumyzyň umumy bilim berýän mekdepleriniň 7-12-nji synplarynda okaýan 100-den gowrak ýaş hünärmen gatnaşdy. Bäsleşik iki ugur boýunça geçirildi: “Akylly öý” taslama-döredijilik we robototehnika.

“Akylly öý” taslamasy boýunça:
I orna – Aşgabat şäheriniň ýöriteleşdirilen 97-nji orta mekdebiniň 11-nji synp okuwçysy Resul Annaberdiýew,
II orna – Türkmenistanyň Goranmak ministrliginiň Berdimuhamet Annaýew adyndaky ýöriteleşdirilen harby mekdebiniň 11-nji synp okuwçysy Döwlet Saparow,
III orna – Aşgabat şäheriniň daşary ýurt dillerine ýöriteleşdirilen 131-nji orta mekdebiniň 11-nji synp okuwçysy Serdar Öwelekow mynasyp boldy.

Robototehnika boýunça:
I orna – Aşgabat şäheriniň ýöriteleşdirilen 97-nji orta mekdebiniň 11-nji synp okuwçysy Ysmaýyl Çaryýew,
II orna – Aşgabat şäheriniň ýöriteleşdirilen 97-nji orta mekdebiniň 11-nji synp okuwçysy Emirhan Gylyçmuhammedow,
III orna – Lebap welaýatynyň Halaç etrabynyň 27-nji orta mekdebiniň 11-nji synp okuwçysy Ýagşymyrat Rozmyratow mynasyp boldy.

Bäsleşigiň ýeňijilerine we gatnaşanlara Türkmenistanyň Magtymguly adyndaky Ýaşlar guramasynyň Merkezi Geňeşiniň adyndan gymmat bahaly sowgatlar, hormat hatlary we minnetdarlyk şahadatnamalary dabaraly ýagdaýda gowşuryldy.

Çeşme: yashlar.gov.tm