Türkmenistanyň Döwlet energetika institutynda "2025-nji ýyl — Halkara parahatçylyk we ynanyşmak ýyly" şygaryna bagyşlanyp, dabaraly maslahat geçirildi. Bu maslahatda talyplar we mugallymlar giňden gatnaşdylar.


Maslahatyň dowamynda çykyş edenler ýylyň özüne mahsus at bilen atlandyrylmagyny belläp, 2025-nji ýylyň "Halkara parahatçylyk we ynanyşmak ýyly" atlandyrylmagyny Türkmenistanyň Milli Lideri, Türkmenistanyň Halk Maslahatynyň Başlygy Gahryman Arkadag Gurbanguly Berdimuhamedowyň "Türkmenistan — parahatçylygyň we ynanyşmagyň Watany" atly goşgusyna hem-de Birleşen Milletler Guramasynyň Baş Assambleýasy tarapyndan kabul edilen Kararnama esaslanyp karar edilendigini nygtadylar.


Dabaranyň dowamynda talyplar Türkmen halkynyň Milli Lideri Gahryman Arkadagymyzy we Arkadagly Serdarymyzy wasp edýän aýdym-sazlary ýerine ýetirdiler. Aýdym-sazly şowhuna öwrülen dabarada ruhubelentlik döredi.


Maslahatyň ahyrynda oňa gatnaşyjylar döredilýän giň mümkinçilikler üçin Türkmen halkynyň Milli Lideri Gahryman Arkadagymyza we Arkadagly Serdarymyza alkyş we hoşallyk sözlerini aýdyp, dabarany jemlediler.


Çeşme: Türkmenistanyň Bilim Ministrligi

Mekan KAKAJANOW,
Türkmenistanyň Döwlet energetika
institutynyň talyby.