Kitap adamzat durmuşynda gadymdan bäri peýdalanyp gelýän gymmatly hazynadyr. Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň we Arkadagly Gahryman Serdarymyzyň ýiti paýhasyndan syzylyp çykan eserleri we döreden kitaplary ýurdumyzda ösüp gelýän ýaş nesli terbiýelemekde iňňän uly ähmiýete eýedir.      

Gahryman Arkadagymyzyň “Türkmenistanyň dermanlyk ösümlikleri” atly köpjiltli ensiklopediki kitaplary ýurdumyzyň gözel tebigatyna gözellik berýän ösümlik dünýäsiniň dermanlyk häsiýete eýe bolan wekillerini giňişleýin beýan etmek bilen, saglygy goraýyş ulgamynda zähmet çekýän medisina işgärleriniň esasy ýan gollanmalarydyr. “Çaý – melhem hem ylham” atly kitabynda çaýyň gadym döwürlerden bäri ulanylyşy, ähmiýeti barada aýdyň beýan edilip geçilýär. “Enä tagzym – mukaddeslige tagzym” atlyn kitabynda mährem enelerimiziň hormaty, ene mukaddesligi barada, zenanlarmyzyň ýaşaýyşdaky orny barada içgin aýdylyp geçilýär. “Paýhas çeşmesi” dürdäneler kitabynda ata-babalarymyzdan gözbaş alyp gaýdýan dana setirler, pähimler, nakyllar beýan edilendir. “Mertler Watany beýgeldýär” kitaby ýaş nesillermizi watançylyk ruhunda tebiýelemekde ähmiýetli bolup, bu kitapda mert türkmen ýigitleriniň gaýduwsyzlygy, edermenligi barada durlup geçilýär. “Türkmen bedewleri buýsanjymyz we şöhratymyz” atly gymmatly eser halkymyzyň maddy hazynasy hasaplanylýan bedewlermize goýulýan sarpa, türkmen bedewleriniň üýtgeşik häsiýetleri barada beýan edilýär. Milli Liderimiziň “Ak şäherim Aşgabat” atly kitabynda gözel paýtagtymyzyň taryhy, şu güni we geljegi barada giňişleýin söz açylýar. Arkadagly Gahryman Serdarymyzyň “Ýaşlar Watanyň daýanjy” atly gymmatly kitaby gönüden-göni biziň ýaş nesillerimiziň durmuşy bilen baglanyşykly. Bu kitapda Watanymyzda ýaş nesilleriň orny barada giňişleýin beýan edilip geçilýär.

Türkmen halkynyň Milli Lideri Gahryman Arkadagymyzyň “Ömrümiň manysy”, “Parahatçylyk sazy, dostluk, doganlyk sazy”, “Arşyň nepisligi”, “Janly rowaýat”, “Türkmeniň döwletlilik ýörelgesi”, “Arkadagyň ajap eýýamy”, “Abadançylygyň röwşen gadamlary”, “Türkmenistanyň elektroenergetika kuwwaty”, “Döwlet guşy”, “Älem içre at gezer” we ýene-de beýleki gymmatly gollanmalarynyň nesil terbiýesinde ähmiýeti uludyr.

Gahryman Arkadagymyzyň we Arkadagly Gahryman Serdarymyzyň gymmatly gollanma eserleri diňe biziň öz ýurdumyzda däl, eýsem daşary ýurtly raýatlar tarapyndan hem ürç edilip okalýar. Şonuň üçin bu gymmatly eserler dünýäniň dürli dillerinde terjime edilendir.

Ogulgeldi ANNAÝEWA
Myrat Garryýew adyndaky
Türkmenistanyň Döwlet lukmançylyk
uniwersitetiniň Patologik fiziologiýa
kafedrasynyň mugallymy