Dokma, mata we lybas önümçiligi bilen meşgullanýan türkmen telekeçileri 2025-nji ýylyň 14–16-njy maýynda Daşkent şäherinde geçiriljek “TextileExpo Uzbekistan 2025” atly 24-nji halkara sergä gatnaşmaga çagyrylýar. Bu sergi Özbegistanyň bazaryna girmegi we öz önümlerini Merkezi Aziýanyň dokma senagatyna ýöriteleşen iri sergileriniň birinde tanyşdyrmagy isleýän türkmen öndürijileri üçin ajaýyp mümkinçilikdir.

Sergi döwlet edaralarynyň we pudaklaýyn birleşikleriň goldamagynda geçirilýär we dünýäniň öňdebaryjy önüm öndürijileriniň ýüplükden taýýar lybaslara çenli gazananlaryny görkezmek üçin amatly meýdança hödürleýär. Bu çäre Özbegistanyň dokma senagaty bilen söwda-ykdysady gatnaşyklary ösdürmäge ýardam berýär.

Her ýyl sergä 9 müňden gowrak hünärmen, şol sanda döwlet edaralarynyň we iri kärhanalaryň wekilleri gatnaşýar. Serginiň çäklerinde işewürlik maksatlaryny göz öňünde tutup, okuw sapaklary, işewürlik duşuşyklary, moda lybaslaryň görkezilişleri we ussatlyk sapaklary ýaly çäreler geçirilýär.

Nedir AGAÝEW,
Türkmenistanyň Daary işler ministrliginiň
Halkara gatnaşyklary institutynyň talyby.