Şu günler Babadaýhan etrabyň ekerançylyk meýdanlarynda güzlük ak ekine ideg etmek, ýerleri ýaz ekişine taýarlamak, çäreleri işjeň dowam etdirilýär. Geçen güýzde etrabyň gallaçylary 28 müň 700 gektar meýdanda güýzlük bugdaýyň ekişini geçirip, köpçülikleýin gögerişi gazandylar. Şu günler bolsa ýaşyl maýsaly meýdanlara agrotehniki talaplara laýyklykda ideg etmek işleri alnyp barylýar. Ak ekini azot dökünleri bilen iýmitlendirmek, ösüş suwuny tutmak çäreleri üstünlikli alnyp barylýar. Şonuň bilen birlikde, howanyň açyk güneşli günlerinde bir we iki ülüşli haşal otlara garşy göreş çäreleri işjeň dowam etdirilýär. Bu agrotehniki çäreler ýaşajyk maýsalaryň kadaly ösüşine oňyn täsirini ýetirýär.

     Gyş paslynyň dowam edýän häzirki günlerinde ýerleri geljek ýylyň gowaça ekiş  möwsümine taýarlamak işjeň alnyp barylýar. Etrapda şüdügär sürümini alyp barmakda, ýerleri tekizlemek, oba hojalyk tehnikalaryny we azallaryny ekiş möwsümine irgözinden taýarlamakda işjeň tagallalar edilýär.Ýaz ekişi möwsüminiň taýýarlyk çäreleriniň etrabyň oba hojalygy bilen dahylly edara-kärhanalarynda alnyp barylşy aýratyn bellenilmäge mynasyp.