Garaşsyzlyk — bu türkmen halkynyň köpasyrlyk taryhynda gazanan iň beýik gymmatlyklarynyň biridir. Ol diňe bir döwlet Garaşsyzlygy bolman, eýsem, halkyň azat we erkin ýaşamagynyň, öz ykbalyny öz eli bilen gurmagynyň, milli medeniýetini hem-de dilini dikeltmeginiň berk binýadydyr. 

Garaşsyzlyk bize Berkarar döwletiň täze eýýamynyň Galkynyşy döwründe halkara  giňişlikde ýurdumyzyň abraýyny ýokarlandyrmaga, parahatçylykly, dostlukly hem-de bitaraplyk ýörelgelerine ygrarly daşary syýasaty alyp barmaga giň mümkinçilikleri döredýär. Ol bizi geçmişiň şanly taryhyna wepaly bolmaga, geljekki beýik maksatlara tarap gitmäge şert döredýär. Her bir zähmet ýeňşi, ylmy-medeni, sport üstünliklerimiz mukaddes Watanymyzyň belende galýandygyny tassyklaýar.

Taryhyň sahypalarynda uly yz galdyran Türkmenistan Garaşsyzlygyň beren ruhy güýji we beýik ynamy bilen geljege tarap ynamly öňe barýar. Şeýle mukaddeslikler ýurdumyzy täze ösüşlere, bagtyýar ertirlere sary alyp gider.

Bägül SAPARMYRADOWA,

Türkmenistanyň Daşary işler ministrliginiň

Halkara gatnaşyklary institutynyň

Halkara žurnalistikasy fakultetiniň 3-nji ýyl talyby.