logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Syýasat /Baku, Ýerewan sammitleri: tebigatyň goragynda
  27.10.2026
281
Baku, Ýerewan sammitleri: tebigatyň goragynda

Arkadagly Gahryman Serdarymyzyň Aziýada hyzmatdaşlygy we ynanyşmagy berkitmegiň çäreleri Geňeşiniň nobatdaky sammitine gatnaşmak üçin Azerbaýjan Respublikasyna amala aşyran iş sapary Türkmenistanyň halkara giňişlikde alnyp barylýan möhüm işlere işjeň gatnaşýandygyny ýene-de bir gezek aýdyň görkezdi. Döwlet Baştutanymyz sammitde çykyş edip, dünýä jemgyýetçiligi üçin möhüm ähmiýete eýe bolan meseleleriň ençemesine ünsi çekdi hem-de ýurdumyzyň bu ugurdaky garaýyşlaryny beýan etdi.

 

Türkmen-azerbaýjan gatnaşyklary deňhukuklylyk, özara hormat goýmak we milli bähbitleri nazara almak ýörelgelerinden ugur alýar. Iki ýurduň arasyndaky hyzmatdaşlyk strategik häsiýete eýe bolup, köpasyrlyk dostlukly gatnaşyklary, hoşniýetli goňşuçylygy we özara ynanyşmagy has-da pugtalandyrýar. Ýokary derejedäki gatnaşyklaryň syýasy-diplomatik, söwda-ykdysady, medeni we ynsanperwer ugurlarda yzygiderli ösdürilmegi munuň anyk mysalydyr.

 

Türkmenistan bilen Azerbaýjanyň arasynda Gündogar — Günbatar ugry boýunça halkara üstaşyr ulag we energetika geçelgelerini döretmek meselesine hem aýratyn ähmiýet berilýär. Bu ugurda iki döwletiň möhüm halka hökmünde çykyş edýän geostrategik mümkinçiliklerinden netijeli peýdalanmak ikitaraplaýyn hyzmatdaşlygyň esasy ugurlarynyň biri bolup durýar. Şeýle mümkinçilikler ýurtlarymyzyň arasyndaky gatnaşyklaryň has-da işjeň häsiýete eýe bolmagyny şertlendirýär.

 

Ýerewan şäherinde BMG-niň Biodürlülik baradaky maslahatynyň Liderler sammitiniň ýokary derejede geçirilmegi hem halkara ähmiýetli wakalaryň biri boldy. Sammitiň netijeleri boýunça Ýerewan Jarnamasynyň kabul edilmegi bu çäräniň ähmiýetini has-da artdyrdy. Sammite hormatly Prezidentimiz hem gatnaşyp, möhüm meseleler boýunça çuňňur manyly çykyş etdi. Döwlet Baştutanymyzyň ýurdumyzyň adyndan beýan eden teklipleri we öňe süren pikirleri çärä gatnaşyjylar tarapyndan üns bilen diňlenildi.

 

Sammitiň gün tertibinde ekoulgamlary we biologik köpdürlüligi gorap saklamak, ekologiýa başlangyçlaryny maliýeleşdirmek, şeýle hem BMG-niň Biodürlülik baradaky maslahatynyň esasy maksatnamasyna — COP 17-ä taýýarlyk görmek bilen bagly möhüm meseleler öz beýanyny tapdy.

 

Arkadagly Gahryman Serdarymyz çykyşynda Birleşen Milletler Guramasynyň we onuň ýöriteleşdirilen edaralarynyň, şeýle hem tebigaty goramak boýunça halkara mehanizmleriniň mümkinçiliklerinden doly derejede peýdalanmagyň zerurdygyny aýratyn nygtady. Şunuň bilen birlikde, tebigy mirasy gorap saklamak we ylmy barlaglary ösdürmek babatda Türkmenistanyň ÝUNESKO bilen hyzmatdaşlyga aýratyn ähmiýet berýändigi bellenildi.

 

Bu ugurdaky halkara hyzmatdaşlygyň netijeliligini «Bütindünýä mirasynyň «Aram guşaklygynyň Turan çölleri» transmilli obýektiniň düzümine Türkmenistanyň tebigy çäkleriniň girizilmegi hem aýdyň görkezýär. Bu möhüm waka ekoulgamlary gorap saklamakda halkara hyzmatdaşlygyň netijeli mümkinçilikleriniň bardygynyň aýdyň mysaly bolup çykyş edýär.

 

Şeýlelikde, Türkmenistanyň halkara giňişlikde parahatçylyk, ynanyşmak we özara bähbitli hyzmatdaşlyk ýörelgelerine esaslanýan işjeň syýasaty häzirki döwrüň möhüm meseleleriniň çözülmegine mynasyp goşant goşýar. Ýurdumyz sebit we halkara derejesinde hyzmatdaşlygy ösdürmek, daşky gurşawy goramak hem-de tebigy baýlyklary aýawly peýdalanmak boýunça başlangyçlaryny yzygiderli öňe sürýär.

 

Annaguly SAPAROW,

Döwletmämmet Azady adyndaky Türkmen milli dünýä

dilleri institutynyň Rus diliniň nazaryýeti we amalyýeti

kafedrasynyň mugallymy.