Türkmenistanyň  Prezidenti  hormatly  Gurbanguly  Berdimuhamedowyň başda  durmagynda milli bilim, ylym ulgamlaryny kämilleşdirmek  we  ösdürmek  babatda  geçirilýän  uly  göwrümli  işler  gün-günden  rowaçlanýar. Hormatly  Prezidentimiziň milli  bilim  we  ylym  syýasatlaryny durmuşa  ornaşdyrmagyň  esasy  şertleriniň  biri  umumy  bilim  berýän  orta  mekdeplerde ýaşlara  berilýän  bilimiň  mazmunyny baýlaşdyrmak, hilini  ýokarlandyrmak  we  okuw işine  innowasion tehnologiýalary ornaşdyrmakdyr. Şu wajyp wezipeler «Türkmenistanda  bilim  ulgamyny  ösdürmegiň  2012-2016-njy  ýyllar  üçin  Döwlet  maksatnamasynda»  hem  aýratyn  orun  aldy. Garaşsyz  döwletimiz  tarapyndan  saýlanyp  alnan  ösüşiň  innowasion  nusgasy  bilimiň, ylymyň, halk  hojalygynyň ähli pudaklarynyň hünärmenlerinden öz kärine ökde, hemişe  kämilleşmegi başarýan nesilleri terbiýelemegi talap edýär. Şeýle ýaşlary  terbiýelemekde ylymyň binýady bolan umumybilim berýän orta mekdeplerde  bilimi kämilleşdirmegiň, okuw-terbiýeçilik işlerini häzirki döwrüň talaplaryna  laýyk guramagyň ähmiýeti ulydyr.

   Cünki öz  işini ýokary derejede bilýän hünärmenler zähmet  üstünliklerini gazanyp, ýurduň ösüşine  goşant goşup bilerler. Şeýle kärine kämil  hünärmenleriň  taýýarlanylmagy bilim ulgamynyň gazanan  netijeleriniň datly miwesidir. Mundan  ýarym ýyl ozal «Türkmenistanda şanly bilim ulgamyny ösdürmegiň Konsepsiýasy»  kabul edilipdi. Innowasion  ösüşi  nazarlap, sanly serişdeleri, elektron bilim maglumatlaryny giňden ulanmagy, şeýdibem, berilýän bilimiň hilini  ýokarlandyrmagy  maksat  edinen bu möhüm resminamada kesgitlenen wezipeler üstünlikli durmuşa geçirilýär 1995-nji ýylda Türkmenistanda Türkmenistanyň Prezidentiniň «Saglyk» döwlet maksatnamasy kabul edildi. «Saglyk» döwlet maksatnamasynyň çäklerinde, maşgalany  meýilnamalaşdyrmaga uly üns berilýär. Şonuň  ýaly-da  «Maşgalany meýilnamalaşdyrmak  boýunça  milli  maksatnama»  ady  bilen  ýörite  maksatnama işlenilip taýýarlanyldy we durmuşa geçirilýär. Bu maksatnama töwekgelçilikli we islenilmeýän göwrelilikleriň sanyny azaltmaga   kömek  berýän okuw çärelerini hem-de beýleki çärelerini öz içine alýar.

  Berkarar döwletimiziň bagtyýarlyk döwründe Türkmenistanyň Prezidenti Gurbanguly Berdimuhamedowyň tagallasy bilen Garaşsyz, hemişelik Bitarap Türkmenistan döwletiniň kuwwatlanmagy we halkyň abadan durmuşda ýaşamagy üçin halk hojalygynyň ähli pudaklarynda düýpli durmuş-ykdysady özgertmeler amala aşyrylýar.  Halkara tejribesiniň we halk pedagogikasynyň netijeli usullaryny peýdalanmagyň esasynda ýurdumyzyň bilim ulgamynda amala aşyrylýan özgertmeleriň barşynda okatmagyň täze multimediýa, maglumat we kommunikasiýa tehnologiýalary giňden ornaşdyrylýar.

      2013-nji ýylyň mart aýynyň 1-ne Türkmenistanyň Prezidenti hormatly Gurbanguly Berdimuhamedow Türkmenistanyň Ministrler Kabinetiniň giňişleýin mejlisinde „Türkmenistanda Bilim ulgamyny kämilleşdirmek hakynda” Permana gol çekdi we bu Permandan gelip çykýan wezipeleri amala aşyrmagyň hukuk esaslaryny kepillendirýän „Türkmenistanda umumy orta bilim bermegiň meseleleri hakynda” Karar kabul etdi. «Bilim hakyndaky» Türkmenistanyň Kanunyna, “Türkmenistanyň durmuş-ykdysady ösüşiniň 2011-2030-njy ýyllar üçin Milli maksatnamasyna”, “Türkmenistanda bilim ulgamyny ösdürmegiň 2012-2016-njy ýyllar üçin Döwlet maksatnamasyna, şeýle hem dünýä bilim ýörelgelerine laýyklykda işlenilip taýýarlanan Türkmenistanda on iki ýyllyk umumy orta bilime geçmegiň Konsepsiýasyny tassyklady. Bular döwletimizde bilim-terbiýeçilik işleriniň dünýä ölçeglerine laýyk getirilmeginiň beýik başlangyjyny goýdy.

  Umumybilim berýän mekdeplerde okuwyň mazmunynyň baýlaşdyrylmagy we möhletiniň 12 ýyla çenli uzaldylmagy esasynda okuw maksatnamalarynyň we okuw kitaplarynyň täzeden kämilleşdirilen görnüşde taýýarlanylmagynyň zerurlygyny ýüze çykarýar. Bu ýaş nesli Watany goramaga taýýar, sagdyn ýaşlar edip ýetişmekde uly ähmiýete eýe bolan bedenterbiýe dersi babatda hem şeýledir.

   Şol  sanda  Kaka  etrabyndada  sport  we  bedenterbiýe  ulgamy  giň  gerimde  ösýär. Sportyň  futbol, woleýbol, küşt  oýunlarynda  uly  üstünliklere  eýe bolýarlar.

   Goý, hormatly  Prezidentimiziň  jany  sag  ömri  uzak, ylym-bilim sport  ulgamynda  il  bähbitli, döwlet  ähmiýetli  alyp  barýan  tutumly  işleri  hemişe  rowaç  bolsunǃ