Ahal welaýaty
logo

Soňky täzelikler:
✦ Türkmenistan Owganystana ynsanperwerlik kömegini iberdi ✦ ✦ Türkmenistan “Halal Expo 2025” sergisine gatnaşar ✦ ✦ Türkmenistanyň Döwlet energetika institutynyň täze okuw binasy açyldy ✦ ✦ “Ýol hereketiniň howpsuzlygy- ömrümiziň rahatlygy” ✦ ✦ «Ýol hereketiniň howpsuzlygy – ömrümiziň rahatlygy» atly biraýlygy başlandy ✦ ✦ «Arkadagly Ýaşlar» žurnalynyň awgust sany okyjylara ýetirildi ✦ ✦ ÝB - Merkezi Aziýa hyzmatdaşlyk forumy geçirildi ✦ ✦ TIF 2025 Awazada geçiriler ✦ ✦ Halk Maslahaty — milli demokratiýanyň nusgasy ✦ ✦ Aşgabatda Halkara senagatçylar we telekeçiler uniwersitetiniň açylyş dabarasy geçirildi ✦
Baş sahypa / Gyzykly /Diş pastalarynyň düýbündäki reňkler näme many berýär?
  27.02.2025
8711
Diş pastalarynyň düýbündäki reňkler näme many berýär?

Häzirki wagtda internetde diş pastalarynyň düýbündäki reňkler bilen baglanyşykly dürli pikirler ýaýran. Käbir adamlar bu reňkleriň pastanyň düzümi hakda maglumat berýändigini aýdýarlar. Mysal üçin, ýaşyl reňkiň “tebigy maddalardan”, gara reňkiň bolsa “dolulygyna himiki maddalardan” ybaratdygyny öňe sürýärler. Ýöne bu düşünje nädogrydyr.

 

Diş pastasynyň düýbündäki reňkler näme üçin ulanylýar?

 

Diş pastalarynyň düýbünde ýerleşýän reňkler önümçilik prosesine degişli tehniki belliklerdir. Olar optiki skanerleriň ulanylmagy üçin nişan bolup, önümçiligiň awtomatiki kesiş, gaplama ýa-da bukja ýelimlemek ýaly amallary üçin ulanylýar.

 

Bu reňkler diş pastasynyň düzümi ýa-da hili bilen baglanyşykly däldir.

 

Myş-myşlar we hakykat

 

Internetde giň ýaýran myş-myşlara görä:

•    Ýaşyl – Dolulygyna tebigy maddalardan düzülendir.

•    Gök – Tebigy we himiki maddalaryň garyndysy.

•    Gyzyl – Himiki we tebigy maddalaryň belli bir gatnaşygy

•    Gara – Dolulygyna himiki maddalardan durýandyr.

 

Aslynda bu maglumatlar ýalňyşdyr. Reňkleriň diş pastasynyň düzümi bilen hiç hili baglanyşygy ýokdur. Pastanyň düzümi barada anyk maglumat almak üçin onuň gaplamasyndaky “Düzümi” (Ingredients) bölümine seretmeli.