Magtymguly adyndaky Türkmen döwlet uniwersitetinde geçirilen IV halkara himiýa olimpiadasy tamamlandy. Olimpiada bilen bilelikde “Himiýany okatmagyň usulyýetini kämilleşdirmekde innowasion tehnologiýalaryň orny” atly halkara ylmy-amaly maslahat hem geçirildi.

Ýapylyş dabarasynda olimpiadada ýokary netije gazanan talyplara medallar we diplomlar gowşuryldy. Maslahata gatnaşan professor-mugallymlar bolsa şahadatnamalar we ýadygärlik sowgatlar bilen sylaglandy.

Olimpiada A we B derejede geçirildi. A derejede himiýa hünärinde okaýanlar, B derejede bolsa beýleki ugurlarda bilim alýan ýaşlar gatnaşdylar. Ýaryşyň soraglary ýokary okuw mekdepleriniň maksatnamasyna laýyk taýýarlanyldy.

A derejede 14 altyn, 17 kümüş, 32 bürünç – jemi 63 baýrakly orun; B derejede bolsa 11 altyn, 19 kümüş, 27 bürünç – jemi 57 baýrakly orun berildi. Umuman, 120-den gowrak gatnaşyjy medal gazandy. Türkmen talyplary bolsa jemi 57 medal alyp, ajaýyp üstünlik gazandylar.

Çaryýar AKMYRADOW,

Türkmenistanyň Döwlet energetika
institutynyň uly mugallymy.