Türkmenistanyň ýokary okuw mekdepleri dünýäniň öňdebaryjy uniwersitetleriniň ählumumy görkezijisine, ýagny Round University Ranking (RUR) girmegi başardy. RUR World University Rankings görkezijisinde Türkmenistanyň alty ýokary okuw mekdebi, ýagny Türkmenistanyň Telekommunikasiýalar we informatika instituty, Magtymguly adyndaky Türkmen döwlet uniwersiteti, Döwletmämmet Azady adyndaky Türkmen milli dünýä dilleri instituty, Türkmen döwlet maliýe instituty, Türkmenistanyň Inžener-tehniki we ulag kommunikasiýalary instituty we Seýitnazar Seýdi adyndaky Türkmen döwlet mugallymçylyk instituty görkezildi. Bu barada Türkmenistanyň resmi metbugaty habar berdi. 

RUR Subject Rankings görkezijisinde bolsa, Döwletmämmet Azady adyndaky Türkmen milli dünýä dilleri instituty we Seýitnazar Seýdi adyndaky Türkmen döwlet mugallymçylyk instituty görkezildi. RUR World University Rankings, mugallymçylyk, ylmy barlaglar, halkara hyzmatdaşlygy we maliýe durnuklylygy ýaly dört esasy ugra jemlenen 20 görkeziji esasynda ýokary okuw mekdepleriniň işine baha berýär. RUR Subject Rankings bolsa, ynsanperwer ylymlar, jemgyýetçilik ylymlary, lukmançylyk ylymlary, tebigy ylymlar, tehniki ylymlar we sosial ylymlar ýaly esasy ugurlar boýunça baha berýär.

Round University Ranking (RUR), dünýä uniwersitetlerine degişli esasy 5 görkezijini öz içine alýan we olaryň işine toplumlaýyn baha berýän ulgamdyr. RUR görkezijisine 85 ýurtdan 1200-den gowrak öňdebaryjy ýokary okuw mekdebi girýär. RUR görkezijisi 2010-njy ýyldan bäri geçirilýär we dünýäniň ýokary okuw mekdepleriniň ähli möhüm ugurlardaky işini görkezýär.

Bu üstünlikler Türkmenistanyň ýokary okuw mekdepleriniň işiniň netijeliligini we üstünliklerini görkezýär, şeýle hem ýurdumyzda ýokary bilim ulgamynyň ösüşine we dünýäniň öňdebaryjy uniwersitetleriniň hataryna goşulmaga ýardam berýär.

Kuwwat NURGELDIÝEW,
Türkmenistanyň telekommunikasiýa we informatika
institutynyň talyby.