Türkmenistanyň Magtymguly adyndaky Ýaşlar guramasynyň 33 ýyllygy mynasybetli baýrak gowşuryldy

Aşgabat, Türkmenistanyň Jemgyýetçilik Guramalarynyň Merkezi binasy
 

Türkmenistanyň Magtymguly adyndaky Ýaşlar guramasynyň döredilmeginiň 33 ýyllygy mynasybetli geçirilen dabarada 135 ýaş hünärmene we döredijilik işgärine Magtymguly adyndaky ýaşlar baýragy gowşuryldy. Olar Türkmenistanyň jemgyýetçilik durmuşynda aktiw çykyş edýän ýaşlar bolup, döwlet syýasatyny we beýik özgertmeleri wagyz etmekde uly goşant goşýarlar.
 

Baýrak gowşurylan ýaşlaryň käbiri:
 

• Myradow Gurban Tirkişewiç – "Arkadagly Ýaşlar" atly elektron žurnalyň jogapkär katibi. Ol döwlet we halkara syýasaty ýaşlaryň arasynda giňden wagyz edýär.
• Annadurdyýew Daýanç Allaberdiýewiç – Türkmenistanyň Döwlet, hukuk we demokratiýa institutynyň ylmy işgäri. Ol sanly ulgamy we häzirki zaman tehnologiýalaryny ornaşdyrmakda aktiw işler alyp barýar.
• Myradow Döwran Kerwenowiç – S.A. Nyýazow adyndaky Türkmen oba hojalyk uniwersitetiniň talyby. Ol jemgyýetçilik çärelerinde wagyz işlerini geçirýär.
   

Baýrak gowşurylanlara “Magtymguly” kitabyny, şahadatnamalary, gymmat bahaly sowgatlary we gül çemenlerini gowşurdylar. Olar Magtymguly Pyragynyň 300 ýyllygyna bagyşlanan çäreleriň çäklerinde, bagtyýar gelejegimizi gurýan Arkadagly Serdarymyza we Gahryman Arkadagymyza tüýs ýürekden hoşallyk bildirdiler.
 

Azady MYRADOW,
Türkmenistanyň Magtymguly adyndaky Ýaşlar
Guramasynyň Mezkezi Geňeşiniň Aşgabat şäher
Bagtyýarlyk etrap geňeşiniň sanly ulgam
boýunça esasy hünärmeni.