Şu gün Türkmenistanyň Daşary işler ministrliginiň Halkara gatnaşyklary institutynda Türkmenistanyň Prezidenti Gurbanguly Berdimuhamedowyň «Türkmeniň döwletlilik ýörelgesi» atly kitabynyň ermeni dilindäki neşiriniň tanyşdyrylyş dabarasy boldy.

Bu dabara Daşary işler ministrliginiň ýolbaşçylary we hünärmenleri, daşary ýurtlaryň we halkara guramalaryň Türkmenistandaky hemişelik wekilhanalarynyň ýolbaşçylary, ýurduň gazet-žurnallarynyň baş redaktorlary, ýokary okuw mekdepleriniň rektorlary, şeýle-de bu ýokary okuw mekdebiň mugallymlarydyr talyp ýaşlary gatnaşdylar.

Çäräniň dowamynda Ermenistanyň Türkmenistandaky Adatdan daşary we doly ygtyýarly ilçisi jenap Ruben Maratowiç Harazýanyň, Magtymguly adyndaky Türkmen döwlet uniwersitetiniň rektory Baýramgül Orazdurdyýewanyň, wideo aragatnaşyk arkaly Ýerewan döwlet uniwersitetiniň türkologiýa öwreniş bölüminiň müdiri, professor Aleksandr Safariýniň, şol kafedranyň uly mugallymy, filologiýa ylymlarynyň kandidaty Amaliýa Petrosýanyň, Ermenistan Respublikasynyň şahyry we terjimeçisi Waružan Hasturyň, şeýle-de «Edebiýat we sungat» gazetiniň baş redaktory Ogulmaýsa Allaberdiýewanyň çykyşlary diňlenildi.