Türkmenistanyň Prezidenti Serdar Berdimuhamedow Hytaý Halk Respublikasynyň Başlygy Si Szinpine günorta sebitinde ýolagçy uçarynyň heläkçilige uçramagy hem-de bu betbagtçylygyň köp sanly adam pidalaryna getirmegi zerarly gynanç hatyny iberdi.

Türkmenistanyň Prezidenti şu agyr pursatda ýurdumyzyň halkynyň we Hökümetiniň adyndan, şeýle hem hut öz adyndan gurban bolanlaryň dogan garyndaşlaryna hem-de ýakynlaryna ýürekden gynanjyny we medet beriji sözlerini beýan etdi.

Belläp geçsek, bu uçar heläkçiligi Kunmin şäherinden (Ýunnan welaýaty) Guançžou (Guandun welaýaty) ugry boýunça uçuş amala aşyrýan “China Eastern Airlines” awiakompaniýasyna degişli bolan “Boeing 737” ýolagçy uçarydy.