Birleşen Milletler Guramasynyň Ösüş Maksatnamasy ýurdumyza dem alyş kesellerini bejermek üçin derman serişdeleriniň tapgyryny getirdi. Täze gelen serişdeleriň bu tapgyry “Beklometazona Diptopionat”, “Budesonid”, “Ipratropiýa Bromid” we “Salbutamol” ýaly ingalýatorlary öz içine alýar.

Belläp geçsek, lukmançylyk we derman serişdeleri bilen üpjün etmeklik Birleşen Milletler Guramasynyň Ösüş Maksatnamasynyň we Türkmenistanyň Saglygy goraýyş we derman senagaty ministrliginiň arasynda 2020-nji ýylyň dekabrynda gol çekilen ýurdumyzda ýokanç däl kesellere gözegçilik etmek üçin ýardam etmek boýunça bilelikdäki taslamasynyň çäklerinde amala aşyryldy.

Ýurdumyza getirilen dem alyş kesellerini bejermek üçin derman serişdeleriniň täze tapgyrynyň býujeti 32 million 800 müň ABŞ dollaryna deň bolup, bu taslama Türkmenistan Hökümeti tarapyndan dolulygyna maliýeleşdirilýär.