Ahal welaýaty
logo

Soňky täzelikler:
✦ Bejeriş ähmiýetli çeşme ✦ ✦ «EKSPO 2025» gurnaljak Türkmenistan Milli pawilýony tanyşdyryldy ✦ ✦ Ýurdumyzda sportuň täze fijital görnüşi boýunça ýaryşlar geçiriler ✦ ✦ Koreý kompaniýasy “Galkynyş” gaz käniniň 4-nji tapgyryna gatnaşar ✦ ✦ Akyldaryň doglan gününiň 300 ýyllygy mynasybetli täze kitaplar neşir edildi ✦ ✦ Hormatly Prezidentimiziň täze kitaby üç dilde neşir edildi ✦ ✦ Türkmenistan we TÜRKSOÝ köpugurly hyzmatdaşlygy ✦ ✦ Türki dünýäniň beýik şahyry we akyldary Magtymguly Pyragy ýyly ✦ ✦ Türkmen medeniýeti dabaralanýar ✦ ✦ Daşary ýurt dilleri boýunça döwlet bäsleşiginiň netijeleri yglan edildi ✦
Baş sahypa / Medeniýet /Türkmeniň keramatly ruhunyň kuwwatly sütüni
  18.04.2023
701
Türkmeniň keramatly ruhunyň kuwwatly sütüni

Beýik akyldar Magtymguly Pyragy türkmeniň keramatly ruhunyň kuwwatly sütünidir. Beýik şahyryň kalplara kuwwat berýän, adamzady ynsanperwerlige, hoşniýetlilige, ahlak arassalygyna, ruhubelentlige, agzybirlige çagyran akyl-parasada ýugrulan dürdäne setirleri türkmen halkynyň egsilmez ruhy gymmatlygydyr, tükeniksiz hazynasydyr. Ol hazynanyň gymmatyna düşünmek, akyl ýetirmek üçin, onuň ynsan aladasyna ýugrulan dürdäne pentlerini öz içine alýan şygyrlaryny gaýtalap-gaýtalap okabermeli. Her gezegem täze pikirleriň üstünden barylýar.

Edebiýatyň Magtymgula çenli ösüş taryhynda halkyň durmuşyny, pajygaly döwrüň bir-birinden möhüm wakalaryny Pyragy ýaly içgin, çuň şöhlelendiren şahyry tapmak kyn. Türkmen edebiýatynda ilkinji bolup tutuş bir halkyň aň-paýhasyny, hüý-häsiýetini açan, bütin döredijiligini, hany-manyny, şirin janyny il-gününe bagyş eden, öz ýaşan zamanasynyň gapma-garşylyklaryny, pajygaly durmuşyny, türkmen halkynyň agyr külpetli göreş ýoluny, döwrüň syýasy-durmuş ýagdaýlaryny, keşbini bütin gapma-garşylyklary, çylşyrymlylyklary bilen şöhlelendiren Beýik Magtymguly edebiýaty halkyň hyzmatynda goýupdyr.

Akyldaryň köptaraply döredijiliginiň agramly bölegini il-ýurt, watançylyk, erkinlik, agzybirlik, birleşip bütewi döwlet gurmak, ony adyl şanyň dolandyrmagy ýaly düýpli meseleleriň orun tutmagy döwrüň talaby, halkyň erk-islegi bilen baglydyr. Galyberse-de, ýagşylygy, agzybirligi, halallygy ündeýän eserler dünýä medeniýetiniň edebi hazynasyny baýlaşdyrýan uly hazynadyr.

Beýik şahyr türkmen halkynyň dünýä akyl ýetirişiniň mysalynda şygryýet äleminde umumadamzat meseleleriniň aladasyny edýär. Hut şonuň üçinem Beýik akyldar türkmeniň ruhy dagynyň göz gamaşdyryjy beýik dagydyr. 

 

Ejegül AMANOWA,

Döwletmämmet Azady adyndaky
Türkmen milli dünýä dilleri
institutynyň talyby.