13 — 18-nji sentýabrda Daşkent şäherinde «Ýüpek ýolunyň merjeni» atly halkara kinofestiwaly geçiriler. Halkara kinofestiwalyň çäklerinde, gysga metražly filmleriň bäsleşigi «Bäş günde kino», şeýle hem «Daşary ýurtlaryň kino günleri», şowhunly konsertler, filmleriň ilkinji görkezilişleri, okuw sapaklary, seminarlar geçiriler.

Film festiwalyna 30-a golaý ýurduň wekilleri gatnaşar. Şol sanda türkmen filmlerinden «Gyzyl kürte», «Istärin», «At — myrat» ýaly çeper filmler bu festiwalda görkeziler.

Häzirki wagtda «Bäş günde kino» bäsleşigine Oguzhan adyndaky «Türkmenfilm» birleşigi hem gowy taýýarlyk görýär.