Şu güýzde Türkmenabat şäherinde «Senetçilik we amaly-haşam sungaty dünýä halklarynyň mirasynda» atly halkara festiwal geçiriler. Welaýatda eýýäm häzirden bu çärä ýokary derejede taýýarlyk görülýär. Lebap welaýat Taryhy we ülkäni öwreniş muzeýinde festiwala bagyşlanyp, sergi guraldy. Sergi «Halkymyzyň senetçilik we amaly-haşam sungatynyň waspy dünýä dolýar» diýlip atlandyryldy.

Serginiň açylyş dabarasyna belli sungat işgärler we halypa bagşylar,  ýörite sungat mekdebiniň mugallymlary  gatnaşdylar. Soňra dabara gatnaşyjylar ilkinjiler bolup täze ýaýbaňlandyrylan sergä aýlanyp gördüler. Sergide milli senetçiligimize we amaly-haşam sungatymyza degişli gymmatlyklaryň 100-den gowragy ýerleşdirilipdir.