Duşenbe şäherinde ýaşlaryň arasynda geçirilen Günbatar Aziýanyň küşt çempionaty üstünlikli tamamlandy. Bu ýaryşa 12 döwletiň wekili bolan 200-e golaý küştçi gatnaşdy. Türkmenistandan gatnaşan 17 zehinli türgen ýokary netijeleri bilen tapawutlandy.

18 ýaşa çenli gyzlaryň blitz ýaryşynda Leýla Şohradowa altyn medaly gazandy. 8 ýaşa çenli oglanlaryň blitz ýaryşynda Çaryhekim Çaryýew bürünç medala mynasyp boldy. Şeýle hem, 10 ýaşa çenli oglanlaryň topary — Maksat Öwlýägulyýew, Myrat Merdanow we Didar Hupbiýew klassiki, rapid we blitz görnüşindäki toparlaýyn bäsleşiklerde bürünç medallary gazandy.

Netijede, Türkmenistanyň ýygyndy topary çempionatdan bir altyn we dört bürünç medal bilen ýurdumyza dolandy.