Ýakynda, Tejen şäher häkimliginiň ýörite meýilnamasy esasynda etrabyň bilim bölüminde wagyz-nesihat duşuşygy geçirildi. Wagyz-nesihat duşuşygyna, bilim bölüminiň hünärmenleri hem-de mekdep müdirleri gatnaşdy.

Geçirilen wagyz-nesihat duşuşygy Tejen şäheriniň jemgyýetçilik guramalary tarapyndan guraldy. Duşuşygyň esasy maksady bilim ojaklarynda arassaçylygyň kadalaryny berjaý etmegi, ýaşlaryň arasynda sagdyn durmuş ýörelgelerini ornaşdyrmagy, sagdyn bedenli nesilleri kemala getirmegi gazanmakdan ybarat boldy.

Duşuşykda çykyş edenler mekdeplerde çagalar bilen geçirilýän terbiýeçilik işlerinde saglygyňy gorap saklamak, sagdyn durmuş ýörelgelerine eýermek, şahsy arassaçylygyň kadalaryny doly berjaý etmek bilen bagly meselelere aýratyn ähmiýet bermegiň möhümdigini belläp geçdiler.