Hormatly Prezidentimiziň  alyp barýan içeri we daşary syýasatyny, Garaşsyz, baky Bitarap  ýurdumyzda ýetilen belent sepgitleri, ata-babalarymyzdan miras galan medeni  gymmatlyklarymyzy, sagdyn durmuş ýörelgelerini wagyz etmekde Türkmenistanyň Zenanlar birleşiginiň Ahal welaýat, etrap bölümlerinde, Türkmenistanyň Kärdeşler arkalaşyklarynyň Ahal welaýat birleşmelerinde  meýilnamalar düzülip, wagyz-nesihat çäreleri yzygiderli geçirilip durulýar.

Ýakynda Türkmenistanyň Saglygy goraýyş we Derman senagaty ministrliginiň Ýöriteleşdirilen dikeldiş merkezinde, Türkmenistanyň Kärdeşler arkalaşyklarynyň Ahal welaýatynyň Tejen, Babadaýhan, Sarahs etrap birleşmeleriniň bilelikde gurnamagynda   wagyz-nesihat  çäresi geçirildi. Wagyz-nesihat çäresine etraplaryň çägindäki edara-kärhanalarda, bilim ulgamynda, saglyk ulgamynda  zähmet çekýän işjeňler, ýaşuly nesiller, mährem eneler we  ýaşlar gatnaşdylar.

Çärede Türkmenistanyň Kärdeşler arkalaşyklarynyň Tejen etrap birleşmesiniň  başlygy  Guwanç  Nuratow, Türkmenistanyň Kärdeşler arkalaşyklarynyň Babadaýhan etrap birleşmesiniň başlygy  Gurtgylyç Bekiýew, Türkmenistanyň Kärdeşler arkalaşyklarynyň  Sarahs etrap birleşmesiniň esasy hünärmeni Gülbahar Işankulyýewa, Tejen etrabynyň ýaşaýjysy, hormatly il ýaşulysy Annabaýew Gurban aga,  Tejen etrap Prkrorunyň uly kömekçisi Ataýewa Gülşirin, Tejen etrabynyň 27-nji orta mekdebiniň mugallymy Tyllagözel Myradowa, Tejen etrap Hassahanasynyň lukmany Ogulgerek Gudratullaýewa dagylar çykyş edip, olar öz çykyşlarynda, berkarar döwletiň täze eýýamynyň Galkynyşy döwründe hormatly Prezidentimiziň  ösüp gelýän ýaş neslimiziň arassa ahlakly, berk-bedenli, sagdyn-ruhly, Watana wepaly bolup ýetişmekleri üçin halkymyzyň bolelin eşretli durmuşda ýaşamagy üçin taýsyz tagallalary netijesinde ýurdumyzda  beýik işler amala aşyrylýandygy, ilat arasynda durmuşa geçirilýän kadalaşdyryjy hukuknamalar hem-de olary ýerine ýetirmekde, maşgala agzybirligi, raýatlaryň saglygyny gorap saklamak boýunça ýurdumyzda alnyp barylýan işler barada giňişleýin belläp geçdiler

Çäräniň dowamynda oňa gatnaşyjylar  ýaşamaga, işlemäge ähli mükinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag başlarynyň dik, tutýan tutumly işleriniň mundan beýläkde rowana ýollarda rowaçlyklara beslenmegini arzuw etdiler.

Guwanç Nuratow,
Türkmenistanyň Kärdeşler arkalaşyklarynyň
Ahal welaýatynyň Tejen etrap birleşmesiniň başlygy.