Tawusgöz kebelegi (Peacock butterfly) – gijeki kebelek bolup, ol Coscinocera uruguna degişlidir. Ol dünýädäki iň uly kebelekleriň biri hasaplanylýandyr. Bu kebelekler tropiki tokaýlarda giňden ýaýrandyr. Köplenç kebelekleriň bu görnüşine Awstraliýanyň demirgazygyndaky Kwinslenda sebitlerinde we täze Gwineýanyň Papua sebitinde köp duş gelmek bolýar.

Maglumatlara görä onuň ganatynyň uzynlygy 27sm, ganatynyň umumy meydany bolsa 263sm²-a deňdir. Onuň bedeni gür tüýjagazlar bilen örtülen bolup, her ganatynda ullakan gözüň şekili bardyr. Bu kebelekleriň erkekleriniň arka ganatlarynda uzyn we egrilen damarlar bilen goldanýan guýruk şekilli lira görnüşli anal burçlary bar.

Kebelegiň bu görnüşiniň urkaçylary bolsa erkeklerine seredende birneme ulurakdyr. Olar ýumurtgalaryny gurçuklarynyp  iýmitlenýän ösümlikleriniň aşak tarapyna goýýarlar. Bir urkaçy kebelek 80-100 aralygynda ýumurtga goýmaga ukyply. Olaryň gurçuklary gögümtül-ýaşyl reňkde, agyzlary gyzyl-mämişi tegelek şekilde we bedeni bogunlardan ybarat bolup, her bogununda 4 sany uzyn ýiti tikenleri bar. Ösüşleriniň ahyrynda gurçuklarynyň uzynlygy 10 santimetre ýetýär. 

Albina ZAKIRJANOWA
Türkmen oba hojalyk 
institutynyň talyby