7-nji aprelda paýtagtymyz Aşgabatda ýerleşýän olimpiýa şäherçesindäki Başa-baş söweş sungaty sport toplumynda üstümizdäki ýylyň ýanwar – aprel aýlarynda halkara ýaryşlarda ýeňiş gazanan türgenlere Hormatly Prezidentimiziň hem-de Gahryman Arkadagymyzyň adyndan sowgatlar gowşuryldy.

Sylaglanan türgenleriň arasyndan Aşgabat şäheriniň 82-nji orta mekdebiniň 11-nji synp okuwçysy Mekan Sabirow öz ýürek buýsanjyny beýan etdi.

- “Men Gazagystan döwletinde halkara ýaryşynda 1-nji orna mynasyp boldum. Hormatly Prezidentimiziň baştutanlygynda sport gülleýär we gül açýar. Halkara ýaryşynda gazanan ýeňişim mynasybetli. “Pähim-paýhas ummany Magtymguly Pyragy” ýylynda şa serpaýyňyz üçin müň kerem alkyşlar aýdýaryn. Hormatly Prezidentimiziň Mähriban Arkadagymyzyň, Arkadagly Gahryman Serdarymyzyň janlary sag, ömürleri uzak, belent başlary aman bolsun”.