Nowruz baýramy mynasybetli türkmen-eýran serhedinde festiwal geçiriler. Bilelikdäki eýran-türkmen festiwalynyň Eýranyň demirgazyk-gündogar sebitindäki Horasan Razawi sebitindäki Bajygyran etrabynda geçiriljekdigi barada ýurduň Medeniýet we yslamy ugrukdyrmak ministrliginiň sebitleriň işi boýunça Baş direktory mälim etdi.

Nowruz baýramyna bagyşlanan bilelikdäki şeýle medeni çäreler Aşgabadyň günortasynda ýerleşýän Howdan-Bajygyran serhetýaka zolagynda öňki ýyllarda hem geçirilipdi. Onuň çäklerinde amaly-haşam sungatynyň eserleriniň, senetçileriň bezeg önümleriniň umumy sergisi, iki ýurduň estrada ýerine ýerine ýetirijileriniň we folklor-etnografiýa toparlarynyň çykyşlary guralýar. 

Ýeri gelende belläp geçsek, Türkmenistan bilen Eýrany hoşniýetli goňşuçylyk gatnaşyklary we taryhy umumylyklar özara baglanyşdyrýar. Häzirki wagtda hyzmatdaşlygyň we sebit gatnaşyklarynyň ösüşiniň çäklerinde ynsanperwer hyzmatdaşlyga iki ýurt hem aýratyn ähmiýet berýär.

Gülöwser AŞYRLYÝEWA,

Döwletmämmet Azady adyndaky
Türkmen milli dünýä dilleri
institutynyň talyby.