Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de dost­luk­ly ýurt­lar bi­len ys­ny­şyk­ly hyz­mat­daş­ly­ga uly or­un berilýär. Muňa Ar­ka­dag­ly Ser­da­ry­my­zyň baş­tu­tan­ly­gyn­da amala aşyrylýan beýik işler, ge­çil­ýän rowaçly men­zil­ler şaýatlyk edýär. Türk­me­nis­ta­n Watanymyzyň pa­ra­hat­çy­lyk sö­ýü­ji­lik­li we ok­gun­ly ös­ýän döw­let hök­mün­de at-ab­ra­ýy­nyň bar­ha art­ýan­dy­gyn­dan, me­de­ni we beýleki ugurdaky gatnaşyklary has hem giňeltmek maksady bi­len hal­ka­ra bi­le­le­şi­ge has do­ly açyl­ýan­dy­gyn­dan ny­şan­dyr. Bir der­ýa­nyň su­wu­ny iç­ýän, bir ser­he­di paý­laş­ýan türk­men we öz­bek halk­la­ry­nyň ara­syn­da­ky gat­na­şyk­lar has-da döw­re­bap hä­si­ýe­te eýe bol­ýar. Bu ysnyşykly gat­na­şyk­lar iki hal­kyň ara­syn­da­ky ýa­kyn­ly­gy, dost-do­gan­ly­gy barha pugta­lan­dyr­ýar. Özbegistan Respublikasynyň Ür­genç şä­he­rin­de türk­men-öz­bek dost­luk öýü­niň açyl­ma­gy döw­le­ta­ra hyz­mat­daş­ly­gyň mö­hüm ug­ry bo­lan me­de­ni gat­na­şyk­la­ryň pug­ta­lan­dy­ryl­ma­gyn­da möhüm wakadyr. Gözel paýtagtymyz Aş­ga­bat­ şäherindäki «Daş­kent» se­ýil­gä­hi­niň we Daş­kent­dä­ki «Aş­ga­bat» se­ýil­gä­hi­niň öz­bek-türk­men dost­lu­gy­nyň, hoş­ni­ýet­li goň­şu­çy­ly­gy­nyň aý­dyň ny­şan­y bolmak bilen, gatnaşyklary berkleşdirýär. Hor­mat­ly Pre­zi­den­ti­mi­ziň pa­ra­hat­çy­ly­ga, yna­nyş­ma­ga esas­lan­ýan da­şa­ry sy­ýa­sa­ty türk­men-öz­bek gat­na­şyk­la­ry­nyň ta­ry­hyn­da tä­ze döw­re ba­dal­ga ber­di. Hä­zir­ki wagt­da iki ýur­duň ara­syn­da­ky öza­ra bäh­bit­li hyz­mat­daş­ly­gyň sy­ýa­sy, söw­da-yk­dy­sa­dy we me­de­ni yn­san­per­wer ul­gam­la­ryn­da ösüşler, belent sepgitler has pajarlaýar. Şeý­le hem ýaňy-ýakynda te­le­köp­ri ar­ka­ly Türk­men-öz­bek ser­het­ýa­ka söw­da zo­la­gy­nyň – Söw­da mer­ke­zi­niň düý­bü­niň tu­tul­ma­gy iki ýur­duň ara­syn­da ýo­la go­ýul­ýan söw­da-yk­dy­sa­dy hyz­mat­daş­ly­gyň pug­ta­lan­ýan­dy­gy­nyň no­bat­da­ky su­but­na­ma­sy­dyr. Mälim bolşy ýaly, türk­men-öz­bek gat­na­şyk­la­ry taryhda yz galdyran be­ýik şah­sy­ýet­le­riň şöhratly ýoly bi­len berk bag­lanyşykly­dyr. Mähribanlyga ýugrulan bu dostluk festiwaly Mag­tym­gu­ly Py­ra­gy hem-de Aly­şir No­wa­ýy ýa­ly be­ýik us­sat­la­ryň belent sarpasyny artdyrmak bilen, iki halk­y je­bis­leş­dir­ýär. Hä­zir­ki dö­wür­de hem döw­le­ta­ra gat­na­şyk­la­ryn­da bu iki ýur­duň alyp bar­ýan sy­ýa­sy gat­na­şyk­la­ry we yk­dy­sa­dy hyz­mat­daş­ly­gy ýo­ka­ry de­re­je­de­dir. Daşoguz we­la­ýa­ty­myz­da 16-17-nji no­ýabr­da ge­çi­ri­len türk­men we öz­bek halk­la­ry­nyň dost­luk fes­ti­wa­ly bol­sa iki hal­kyň ga­dy­my dost-do­gan­lyk ýö­rel­ge­si­niň do­wa­ma­ty­nyň do­wam bol­ýan­dy­gy­ny ýene-de bir gezek ala­mat­lan­dyr­dy. Fes­ti­wa­lyň çäklerinde welaýatymyzyň «Türkmeniň ak öýi» binasynda iki doganlyk ýurduň sungat ussatlarynyň konsertiniň geçirilmegi, Nur­mu­ham­met An­da­lyp adyn­da­ky saz­ly-dra­ma te­at­ryn­da sah­na oýun­la­ry­nyň gör­ke­zi­lmegi ýaly çäreler adamlara ruhy lezzet, bire-birege mähribanlyk paýlady. Şeýle bagtyýar zamanamyzda ýur­du­my­zyň dün­ýä­ döwletleri bilen dos­ta­na gat­na­şyk­la­rynyň berkemegi ugrunda netijeli işleri alyp barýan Gah­ry­man Ar­ka­da­gy­my­za, Arkadagly Serdarymyza çäksiz alkyş aýdýarys! 

Nurgözel ATDAÝEWA,

Beki Seýtäkow adyndaky
mugallymçylyk mekdebiniň
rus dili we edebiýaty mugallymy.