Ahal welaýaty
logo

Soňky täzelikler:
✦ Türkmenistan Brýusselde geçirilen “Dünýä syýahatçylyk forumy – 2025”e gatnaşdy ✦ ✦ Türkmen-italýan işewürlik maslahaty geçirildi ✦ ✦ Konkur — Olimpiýa sport görnüşi ✦ ✦ Sanly ulgamda adamlaryň döredijilik hukuklary ✦ ✦ Ahal welaýatyndaky 135 müň gektar ýerden gowaça hasyly üstünlikli ýygnalar ✦ ✦ “Hakyda göwheri” hakda ✦ ✦ BMG-niň döredilmeginiň 80 ýyllygyna bagyşlanan maslahat geçirildi ✦ ✦ Türkmenistan 5-nji Tbilisi Ýüpek ýoly forumyna gatnaşdy ✦ ✦ Tebigy gazyň eksporty artýar ✦ ✦ Aşgabatda “Türkmenistanyň nebiti we gazy — 2025” halkara maslahaty açyldy ✦
Baş sahypa / Jemgyýet /Milli bahar baýramy — Halkara Nowruz güni
  11.03.2024
728
Milli bahar baýramy — Halkara Nowruz güni

Türkmen halkynyň, şeýle hem Gündogar halklarynyň durmuşyna örän berk ornaşan Nowruz baýramy parahatçylyk, ynsanperwerlik, dost-doganlyk ýörelgelerini giňden dabaralandyrýan baýramdyr. Nowruz galkynyşyň, gülleýşiň we täzelenişiň baýramy bolmak bilen, halklaryň arasynda parahatçylygy, agzybirligi, ynanyşmagy kemala getirýär. Hoşniýetli goňşuçylyk, özara bähbitli gatnaşyklar, birek-birege ynam Nowruz baýramynyň esasy ýörelgeleridir.

 

 

ÝUNESKO-nyň Adamzadyň maddy däl medeni mirasynyň sanawyna girizilen Nowruz baýramy köp milletleriň, şol sanda türkmen halkynyň ýokary ruhy-ahlak gymmatlyklaryny, milli däp-dessurlaryny özünde jemleýär. Ol medeniýetleriň gadymy taryhyny, zähmet dessurlaryny we maşgala däplerini, saz mirasyny häzirki zamanyň sungat ýörelgeleri bilen utgaşdyryp, adamlaryň şatlygyna şatlyk goşýar.

 

 

Hormatly Prezidentimiz Serdar Berdimuhamedow: «Nowruz Galkynyşyň, gülleýşiň we täzelenişiň baýramy bolmak bilen, halklar arasynda parahatçylygy, agzybirligi, ynanyşmagy kemala getirýär. Hoşniýetli goňşuçylyk, özara bähbitli gatnaşyklar, birek-birege ynam Nowruz baýramynyň esasy ýörelgeleridir» diýip belleýär.

 

 

Halkara Nowruz baýramy häzirki wagtda dünýäniň köp döwletinde, has takygy, Eýranda, Owganystanda, Azerbaýjanda, Täjigistanda, Yrakda, Hindistanda, Gyrgyzystanda, Türkiýede, Özbegistanda, Gazagystanda giňden bellenilýär. Birleşen Milletler Guramasynyň Baş Assambleýasy tarapyndan her ýylyň 21-nji martyny «Halkara Nowruz güni» diýip bellemek hakynda ýörite Kararnamanyň kabul edilmegi bolsa, Milli bahar baýramynyň halkara derejesindäki ähmiýetiniň ýokarydygynyň subutnamasydyr.

 

 

Goý, Milli bahar baýramy her bir türkmen ojagyna bagt, rysgal, bereket, bagtyýarlyk getirsin! Baýramyňyz gutly bolsun, mähriban ildeşler!

 

Güljan NURGELDIÝEWA,

Döwletmämmet Azady adyndaky
Türkmen milli dünýä dilleri
institutynyň talyby.