Hormatly Prezidentimiz ähli ugurlar bilen bilelikde sport ulgamyna hem uly üns berýär.Ýaşlaryň sagdyn, berk bedenli bolup ýetişmekleri üçin ähli şertler döredilýär. Geçirilýän sport bäsleşikleriniň sany gün-günden artýar. Şeýle bäsleşikleriň biri-de ýakynda “Arkadag Serdarly bagtyýar ýaşlar” ýylynda baky Bitaraplygymyzyň 28 ýyllyk baýramy mynasybetli Tejen etrap bilim bölüminiň hem-de Ylym we bilim işgärleriniň Kärdeşler arkalaşyklarynyň Tejen etrap Geňeşiniň bilelikde gurnamagynda “Sagdynlyk we ruhubelentlik” ady bilen etrabyň 30-njy orta mekdebiniň sport zalynda sportuň basketbol görnüşi boýunça  geçirildi. Bäsleşigiň ähli toparlarynyň düzüminde hem bilim ulgamynda zähmet çekýän sporta höwesli Kärdeşler arkalaşyklarynyň işjeň agzalary hem-de ýokary synp mekdep okuwçylary çykyş etdiler.

Ýaryş ähli toparlar üçin hem diýseň gyzykly we çekeleşikli geçdi. Janköýerler öz toparlaryny ýaryşyň soňuna çenli goldamagy başardylar.Ýaryşa gatnaşan toparlar 2 toparda özara bäsleşdiler.

Birnäçe tolgundyryjy pursatlar bilen geçen bäsleşigiň ahyrynda eminleriň gelen netijesi boýunça 37-nji orta mekdebiň basketbol topary üstünlikli çykyş edip 1-nji orny eýelemegi başardylar. Şeýlelikde 2-nji orny 30-njy mekdep, 3-nji orny bolsa 42-nji mekdebiň topary eýelemegi başardylar.

Ýaryşda ýeňiji bolan toparlara  ýadygärlik sowgatlary we hormat hatlary dabaraly ýagdaýda gowşuryldy.

Arslan Orazliýew,
Ylym we bilim işgärleriniň Kärdeşler arkalaşyklarynyň
Tejen etrap Geňeşiniň işgäri.