Lebaply ýüpekçiler üçin möhüm möwsüm başlandy. Şu möwsümde welaýatyň edermen ýüpekçileri senagat üçin gymmatly çig malyň 1 müň 10 tonnasyny öndürmegi maksat edinýärler.

Mälim bolşy ýaly, ýüpekçilik girdejili pudaklaryň biridir. Aýratyn-da, oba ýaşaýjylary üçin ep-esli goşmaça girdeji getirýän önümçilik bolup durýar.

Häzirki wagtda tutuş welaýat boýunça wagtda tut agaçlary 2,5 müň gektardan gowrak meýdany eýeleýär. Bu bolsa ýüpek gurçuklarynyň iýmit gorunyň ýeterli bolmagyny üpjün edýär.

Ýeri gelende belläp geçsek, ýurt boýunça ýygnalmagy meýilleşdirilen piläniň agramly bölegi Lebap welaýatynyň ýüpekçileriniň paýyna düşýär.