logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Bilim bermekde okuwçynyň pikirleniş ukybyny ösdürmek möhümdir ✦ ✦ Garabogaz - Gazagystan serhetýaka awtomobil ýolunyň 44 kilometrlik bölegi açyldy ✦ ✦ Daşoguzda ýylda 700 müň tonna azotly dökün öndürjek toplum gurlar ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦
Baş sahypa / Dünýäde /Google täze Gemini 4 Argon emeli aň modelini tanyşdyrdy
  10.10.2026
575
Google täze Gemini 4 Argon emeli aň modelini tanyşdyrdy

Google kompaniýasy çylşyrymly iş meselelerini ýerine ýetirmek, programma üpjünçiligini döretmek we maglumatlaryň howpsuzlygyny üpjün etmek üçin niýetlenen Gemini 4 Argon atly täze emeli aň modelini tanyşdyrdy.

 

Täze model programma kodlaryny ýazmak, işewürlik amallaryny awtomatlaşdyrmak, maliýe we hukuk resminamalaryny işlemek boýunça geçirilen synaglarda ýokary netijeleri görkezdi. Şeýle hem onuň wideolary tanamak we uly göwrümli maglumatlary seljermek mümkinçilikleri kämilleşdirildi.

 

Işläp düzüjileriň bellemegine görä, Gemini 4 Argon köp wagt we zähmet talap edýän sanly işleri ýerine ýetirip, hünärmenleriň iş ýüküni azaltmaga hem-de wagtyny tygşytlamaga ýardam edip biler. Muňa garamazdan, bilermenler modeliň hakyky mümkinçiliklerine doly baha bermek üçin onuň iş ýüzündäki netijeleriniň öwrenilmelidigini nygtaýarlar.

 

Ilkibaşda täze emeli aň modeli çäkli sanly synagçylar üçin elýeterli bolar. Soňra bolsa ony korporatiw müşderilere we Google AI Ultra hyzmatynyň abonentlerine hödürlemek meýilleşdirilýär.

 

Gurbanguly ÝEDIBAÝEW,
Türkmen oba hojalyk institutynyň 1-nji ýyl talyby.