Ahal welaýaty
logo

Soňky täzelikler:
✦ Sanly ulgam - ösüşiň binýady ✦ ✦ Medeniýet hepdeligine badalga berildi ✦ ✦ Merkezi Aziýa ýurtlarynyň küştçüleri «Aşgabat 2025» halkara ýaryşynda üstünlikli çykyş etdiler ✦ ✦ Galla - biziň baýlygymyz ✦ ✦ Parahatçylyk taglymaty - bitewüligiň binýady ✦ ✦ Türkmenistanyň ýokary okuw mekdepleriniň 14-si «THE Impact Rankings 2025» reýtingine goşuldy ✦ ✦ Milli zergärçilik sungaty bilen tanyşyldy ✦ ✦ Meýdan düşelgesindäki dabaraly çäre ✦ ✦ Türkmen sazlary Pekinde ýaňlandy ✦ ✦ Medeniýet, sungat, Magtymgulynyň döredijiligi – milli gymmatlyklaryň hazynasy ✦
Baş sahypa / Şygryýet /"KÄBÄM"
  30.07.2022
516
"KÄBÄM"

Ak daňy sylyp alnyňa,
Sag-aman ördüňmi, käbäm?
Gijäň münüp at ardyna,
Gaçyşyn gördüňmi, käbäm?

Bakman sagyňa-soluňa,
Haýran men hamrak halyňa,
Düýşmi, huş, şapak alyna,
Ýüp boýap ýördüňmi, käbäm?!

Öýüň bar keşigin çekip,
Hemmä gözüň kibi bakyp,
Turmankak peýniriň çakyp,
Gurduňy serdiňmi, käbäm?!

Görmedim hiç ardygyňy,
Aýdyp kemim, artygymy,
Has ezizläp agtygyňy,
Saçlaryn ördüňmi, käbäm?!

Öwrülipsiň höwrümize,
Garrap barýaň göwnümize,
Bersek alman, ömrümize,
Ömrüňi berdiňmi, käbäm?!

Syk dokansyň, inçe egrip,
Günler tagzym eder eglip,
Şükür, bu gün ýokdur egsik,
Myradyň berdigi, käbäm!

Jänegül GURBANOWA