Häzirki wagtda Türkmenistan döwletimiz dünýäniň ösen döwletleriniň arasynda öňde saýlanýar. “Türkmenistan Bitaraplygyň mekany” ýylynda ähli pudaklar bilen bir hatarda oba hojalyk pudagyda giň gerim bilen ösdürilýär. Türkmenistan döwletimizde ekerançylygy ösdürmekde bitirilýän işler, edilýän aladalar sanardan artykdyr. Ýurdumyzda il ýaşulylarymyzyň ak pata bermegi bilen güýzki bugdaý ekilşine sentýabr aýynyň ikisinden girişildi. Elbetde türkmen halky ekerançylygy  ösdürmekde birnäçe işleri alyp barýarlar.

      Ak bugdaýyň watany bolan Türkmenistan döwletimizde bugdaýyň birnäçe görnüşleri ösdürilip ýetişdirilýär. Şu bereketli ýylda hem bugdaýyň “Sähraýy”, “Juwan”, “Ýolöten-1”, “Miras”, “Ak baş”, “Hasylly”, “Watan” ýaly hasylly görnüşleriniň ýokary hilli tohumlary taýýarlanyldy we ekişe berildi. Güýzlik ekilişine ak pata bermek dabaralary ýurdumyzyň ähli welaýat etraplarynda giň gerim bilen alnyp barylýar. Dabaralara ýurdumyzyň welaýatlarynyň häkimleriniň, hormatly il ýaşulylaryň daýhan birleşikleriniň ýolbaşçylarynyň, mehanizatorlarynyň, gallaçy kärendeçileriniň gatnaşmaklarynda alnyp barylýar. Halkymyzyň bol elin durmuşda ýaşamaklary üçin geljek ýylda bugdaýyň döwlete tabşyrylmaly mukdary artdyryldy. Şol sebäpli edermen gallaçylar tarapyndan, öňde goýulan borçnamalaýyn tabşyrylmagy bellenilen bugdaýy ýetişdirmeklik üçin häzirki döwürden başlap taýýarlyk işleri tutanýerli alynyp barylýar.

      Elbetde bu işleriň ählisiniň sakasynda Arkadagymyzyň halk bähbitli, ýurt ähmiýetli edýän aladalary ýatyr. Ýurdumyzy ösdürmekde, dürli pudaklar babatda alyp barýan işleri aýdylanlara doly subutnama bolup durýar.