27 — 30-njy sentýabr aralygynda Azerbaýjan Respublikasynyň Baku şäherinde musulman döwletleriniň arasynda yglan edilen nusgawy sazlary ýerine ýetiriji 20 ýaşa çenli ýaş sazandalaryň XI halkara bäsleşigi geçirildi. Bäsleşige ýurdumyzdan hem ýaş zehinli sazandalar gatnaşdy.


Bäsleşigiň şertine laýyklykda, Bahram Dolyýewiň ýolbaşçylygyndaky türkmenistanly ýaş sazandalaryň 2-si ýagny Maýa Kulyýewa adyndaky Türkmen milli konserwatoriýasynyň ýanyndaky Ýörite sazçylyk mekdep-internatynyň okuwçysy Aýnur Otuzowa (fortepiano) bilen Maýa Kulyýewa adyndaky Türkmen milli konserwatoriýasynyň 2-nji ýyl talyby Kowus Bäşimow (altist) ýeňiji bolmagy başardy.