Gyrgyz Respublikasynyň Çolpan-Ata şäherinde  tamamlanan sambo boýunça Dünýä kubogy türkmen türgenleri üçin diýseň düşümli boldy.

    Türkmenistanyň Söweş sungaty milli federasiýasynyň türgeni Parahat Bäşimow sambo boýunça 88 kilograma çenli agram derejesindäki tutluşyklara goşuldy. Ol üç tutluşyk geçirdi. Çärýekfinalda gyrgyzystanly Faruh Mamajanowdan 2:0 hasabynda üstün çykan ildeşimiz ýarymfinalda özbek türgeninden — Elýor Hojimamatowy uly hasap (8:0) bilen ýeňdi. Aýgytlaýjy duşuşykda Halkara Sambo federasiýasynyň baýdagynyň astynda (FIAS-1) çykyş eden russiýaly Şamil Gajiýewden asgyn gelen türkmen türgeni kümüş medal gazandy.