Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow 11-nji noýabrda Özbegistanyň Samarkant şäherinde geçiriljek Türki döwletleriň guramasynyň (TDG) sammitine gatnaşar.

Özbegistanyň Prezidenti Şawkat Mirziýoýewiň ýolbaşçylygynda geçiriljek Türki döwletleriň guramasynyň sammitine Azerbaýjanyň, Gazagystanyň, Gyrgyzystanyň Türkiýäniň Prezidentleri hem gatnaşar.

Sammit «Türki medeniýeti üçin täze döwür: bilelikdäki galkynyşa we ösüşe tarap» diýen şygar bilen geçiriler. Onda birnäçe möhüm meseleleri we ykdysadyýet, söwda, ulag we gümrük ugurlary boýunça şeýle-de birnäçe taslamalar bilen bagly ylalaşyklar we resminamalar kabul ediler.