WATAN !

Zamananyň ak ýolunda,
Bagtyýar türkmen milleti,
Jümle-jahan ahwalynda,
Türkmen ykbaly  gülledi .

                         Parahatlyk baýlyk –genjiň,
                         Bitarap –asuda asman,
                         Garaşsyzlyk başda täjiň,
                         Erem bagly Türkmenistan!

Şöhrat bolup, dünýä dolduň,
Ýaşyl tuguň ,tugraň bilen,
Bir deprenmez ,döwlet bolduň,
Täze döwür döwran bilen.

                Nurlandyrdyň, türkmen bagtyn,
                Arşdan ýalkym, şuglaň bilen,
                Eýýamlardan aşyp gelen,
                Ýollaryň dowamat Watan!

                    Hüýr –melekler, ruhy serwer,
                    Arşy, melaýyk keşbinde,
                    Lälezar, gülleň yşkynda,
                    Sazlaryň, sahawat Watan!

 ZENANLARDAN AÝYRMA!!!

Gözel bardyr, süýji sözli mylaýym
Onsyz gynanarsyň geçse, gün–aýyň
Allam aýyrmasyn,gorasyn daýym.
Mährem gözel Zenanlardan aýyrma!

                    Gündiz güneş deýin nurly didesi,
                    Aladasy birdir, ýokdyr hilesi
                    Ýaradanyň bir ajaýyp miwesi,
                    Peri –peýker Zenanlardan aýyrma!

Ýürekleri mydam söýgä  mynasyp,
Özi ýaly bolsun halala nesip.   
Ýetirdiler has beýige ýyl aşyp,
Dünýäň durky Zenanlardan aýyrma!

                     Dünýädäki bary- ýogy balasy,
                     Söýen ýary ýüreginiň ýarysy,
                     Hiç bir wagtda bolmaz onuň nalasy,
                     Mert-merdana, Zenanlardan aýyrma!

Söýmek aýyp zat däl söýüp bilene,
Çyn söýginiň, hak aşygy bolana,
Her adama duşsyn, ajap nurana,
Kalby mährem, Zenanlardan aýyrma!

                MUGALLYM !!!  

Beren öwütleriň entäk aňymda,
Mähriban mugallym, mährem mugallym!
Ýaşaýaňyz  müdimilik kalbymda,
Mähriban mugallym, mährem mugallym!

                 Öwretdiniz durmuşyň agy- garasyn,
                  Saýgaryp bilýäris olaň barysyn.
                  Ýadymdan çykmaýar her bir diýişiň,
                  Mähriban mugallym ,mährem mugallym!

Kynçylyksyz durmuş hiç ýerde bolmaz,
Kynçylygy ýeňmek ussatsyz bolmaz.
Siziň barynyzda kynçylyk  durmaz,
Mähriban mugallym ,mährem mugallym!

            SÖÝGÄ DÜŞÜNMEK ?!

Berlipdir dünýäde söýgi diýlen zat,
Ol her kime nesip etmez dogry zat,
Diňe öz ýaryňa wepadar bolsaň,
Söýgä göz ýetirsiň, şonda adamzat!

                   EJEME !!!

Bolsamda men sizden alysda- daşda,
Ýatlaýaryn käbem seni her işde,
Dilegim alladan, ýagty durmuşda
Aramyzda baky ýaşa ejemjan!

Jumageldiýewa Ruhsara Jumageldiýewna
Türkmen oba hojalyk institudynyň 4-nji ýyl talyby