Uzaklaşyp, menzil düşüpdir ara,
Görle gadryň artyp barýar-la bara,
Sowup epgekleri, aýaz, gyş, garam,
Sensiz ýeke sagat bir ýyla dönýär! 

Talyplyk alada gurşan daşymy,
Käte pikir agyrdanda başymy,
Seni küýsäp gözüme ýaş alşymy,
Saňa näler aýdyp beresim gelýär! 

Aýralyk däl, sag-amanlygňy bilýän,
Didar küýsegi bar bagrymy dilýän,
Käte sen körpeje çaga öwrülýäň:
«Haçan geljek seni göresim gelýär?!»

Ykbalda bar meger aýralyk paýy,
Ojagmyz küýseýän gün geçdik saýy,
Arzylym, ýekejäm, ýüregmiň taýy,
Eziz uýam, seni göresim gelýär!

Annabeg AÝMAKOWA,

Döwletmämmet Azady adyndaky 
Türkmen milli dünýä dilleri 
institutynyň talyby.