Dünýäniň iri tehnologiýa kompaniýalary şu aýyň 23-inde täze nesil 6G aragatnaşyk ulgamynyň ilkinji giň möçberli şäher synaglaryna girişjekdiklerini yglan ederler. Bu ulgam maglumat geçiriliş tizligini we internetiň hilini häzirki ulgamlardan onlarça esse ýokarlandyrmaga ukyply bolar.

Synag işleri ilkinji etapda sürüjisiz ulaglaryň dolandyrylyşy hem-de «akylly» şäherleriň howpsuzlyk ulgamlarynda ulanylar. Hünärmenleriň pikirine görä, 6G tehnologiýasy diňe aragatnaşyk ulgamyny däl, eýsem senagat we saglygy goraýyş pudaklaryny hem täze derejä çykarar. Şeýlelikde, bu ulgam sanly ösüşiň täze döwrüni başlatmaga mümkinçilik döreder.

Şeýle-de täze standartlaryň energiýany tygşytly peýdalanmagy we ýokary derejeli kiberhowpsuzlygy üpjün etmegi garaşylýar. Dünýäniň iri ylmy merkezleri 6G-niň halkara ykdysadyýetine ýetirjek täsirlerini içgin öwrenýärler. Bu ösüş geljekki sanly jemgyýetiň esasy sütünleriniň biri hökmünde görülýär.

Atabally GURBANOW,

Türkmen oba hojalyk institutynyň
4-nji ýyl talyby.