Şu gün Türkmenistanyň Zenanlar birleşiginiň Merkezi Geňeşiniň hem-de Türkmenistanyň Kärdeşler arkalaşyklarynyň Milli Merkeziniň guramagynda «Ene döwletlilik» atly bäsleşik geçirildi.

Bäsleşige ýurdumyzyň ähli welaýatlaryndan zenanlar gatnaşdy. Bäsleşikde Gahryman Arkadagymyzyň «Enä tagzym — mukaddeslige tagzym» atly eseriniň terbiýeçilik ähmiýeti barada gürrüň etdiler we «Ene — her bir ynsan üçin ýakymly hem lezzetli hakyda», «Çaga terbiýesinde hüwdiniň gudraty», «Enäniň alkyşy — Watanyň rysgaly» atly ugurlar boýunça bäsleşdiler.

Bäsleşikde ýeňiji bolanlara Türkmenistanyň Zenanlar birleşiginiň Merkezi Geňeşiniň we Türkmenistanyň Kärdeşler arkalaşyklarynyň Milli Merkeziniň Hormat hatlary we sowgatlary dabaraly ýagdaýda gowşuryldy.