Northwestern uniwersitetiniň alymlary ýarym millimetr ölçegdäki leňňeç ýaly ýöreýän dünýädäki iň kiçi uzakdan dolandyrylýan roboty döretdiler. Bu mikro robot örän çeýe bolup epilip, süýnip, ýöräp, öwrülip we böküp bilýär.

Bu kiçijik robotlar şekil ýady materiallaryndan peýdalanyp ýasalypdyr. Bu erginler gyzdyrylanda gerekli tizlige gaýdyp gelýär. Örtülen inçe aýna gatlagy, ýylylyk daşky gurşawdan aýrylanda öňki deformasiýa görnüşine gaýdyp gelýär.

Ýylylyk - dolandyryş lazer skaneri bilen gönüden-göni robota iberilýär. Robot juda kiçi bolanlygy sebäpli ýylylyk gaty çalt ýaýraýar. Aslynda, ýylylyk şeýle çalt ýaýraýar welin, sekuntda 10 aýlaw tizligine ýetýär.

Uzakdan dolandyrylýan robotlar diňe bir açyk meýdanlara däl eýsem suwuň üstüne gonup, suwa çümmezden birnäçe wagtlap saklanyp bilýärler. Bu mikro robotlar birnäçe dereje sowuga we gyzgynlyga hem çydamlydyr. Robotlar ereme temperaturasyna çenli öz şekilini saklaýarlar. Alymlar geljekde şeýle robotlaryň 3D printerlerde öndürilip bilinjekdigini mälim edýärler.

Alymlar bu robotlary lukmançylyk pudagynda käbir keselleri bejermekde ulanyp boljakdygyny belleýärler. 

Kemal GURBANGELDIÝEW,

Türkmen döwlet binagärlik-gurluşyk
institutynyň talyby.