Türkmenistanda tehnologiýanyň ösüşi diňe bir ykdysadyýet bilen çäklenmän, jemgyýetiň ähli ugurlarynda düýpli özgerişliklere sebäp bolýar. Sanly tehnologiýalaryň giňden ornaşdyrylmagy raýatlaryň gündelik durmuşynda we işewürlikde netijeliligi artdyrýar. Mysal üçin, sanly bank hyzmatlary we mobil töleg ulgamlary adaty hasaplaşyklaryň tizligini ýokarlandyryp, raýatlaryň hem-de kärhanalaryň wagtyny tygşytlaýar.

Bilim ulgamynda döwrebap tehnologiýalaryň ornaşdyrylmagy geljek nesilleri bilim alşy babatynda düýpli üýtgeşmelere getirýär. Türkmen okuwçylary we talyplary indi sanly platformalar arkaly uzakdan bilim alyp, dünýäniň islendik künjeginden okuw maksatnamalaryna elýeterli bolýar. Hususan-da, elektron kitaphanalar we onlaýn kurslar bilim almagyň täze mümkinçiliklerini döredýär.

Şeýle-de, oba hojalygynda hem döwrebap tehnologiýalaryň ornaşdyrylmagy önümçiligiň netijeliligini ýokarlandyrýar. Mysal üçin, ýerleriň ýagdaýyny barlamak, suwaryş ulgamlaryny dolandyrmak we ekerançylygyň hilini ýokarlandyrmak üçin sanly ulgamlaryň ulanylmagy oba hojalygynda innowasion çözgütleri durmuşa geçirýär.

Hususy sektorda täze başlangyçlar we startaplar hem sanly ulgamlara daýanýan hyzmatlary hödürläp, işewürlikde giň mümkinçilikler döredýär. Türkmen ýaşlary arasynda tehnologik başlangyçlaryň ösmegi netijesinde milli ykdysadyýetde sanly ulgamlaryň ulanylyşy artýar. Şeýle taslamalar ýurduň iş bazarynda tehnologiýa ugrundan täze iş orunlaryny döretmäge itergi berýär.

Sanly infrastruktura babatynda hem milli we halkara taslamalar Türkmenistana döwrebap tehnologiýalaryň ösmegine ýardam berýär. Hususan-da, optiki-süýümli aragatnaşyk ulgamlarynyň giňeldilmegi we döwrebap maglumat merkezleriniň gurulmagy maglumat akymlarynyň has tiz we ygtybarly işlemegine mümkinçilik berýär.

Bu özgertmeler Türkmenistanda döwrebap tehnologiýalaryň diňe bir ykdysady ösüşde däl, eýsem, jemgyýetiň ähli gatlaklaryna täsir edýän giň gerimli ösüşiniň bir bölegi bolup durýar. Täze tehnologiýalaryň ornaşdyrylmagy arkaly, Türkmenistan dünýäniň öňdebaryjy tehnologiýaly ýurtlarynyň hataryna goşulmakda uly ädimler ädýär.

Akynýaz Ýazmyradow,
Türkmenistanyň Telekommunikasiýalar we
informatika institutynyň III ýyl talyby.